Qaraǵandy óńiriniń basshylary birinen soń biri jalaqylaryn jarıa etip jatyr. Naqtyraq aıtqanda tabystary men jeke múlikterin óz erikterimen emes,  jarıa etýge týra kelgendikten ashyq kórsetken, - dep habarlaıdy Qamshy.kz portaly 31 arnaǵa silteme jasap.

Oblys ákimi Nurmuhambet Ábdibekov bastaǵan tizimde laýazymdy tulǵalar úı-jaıymen birge, jylyna qansha aqsha tabatyndaryn ashyq jarıalaýda.

Qaraǵandy oblysy ákimi Nurmuhambet Qanapıaulynyń tabysy - 953 260 teńge, qala basshysy Nurlan Áýbákirovtiń aılyǵy 630 myńǵa teń. Qala ákimi 2015 jyldyń ishinde 7 000 646 teńgeniń basyn qurap úlgergen. Al memlekettik qyzmet tizginin ustaǵan sheneýnikter arasynda «Sáýlet jáne qala qurylysy» bólimi jetekshisiniń aılyǵy eń tómen eken. Sabyrjan Dáýitbergenovtyń bir jyldyq aılyǵy 1 000 237 teńgeni qurapty.

Biraq aı saıyn qolyna bir mıllıon teńgedeı túsetin aımaq basshysy Nurmuhambet Ábdibekovtyń salyqtyq deklarasıasynda dúnıe-múlki jaıly aıtylmaǵan. Qomaqty qarjyǵa jumys jasap júrgen Qaraǵandy oblysnyń ákimi úıdi jaldap turady eken. Esesine, qala basshysy Nurlan Áýbákirovtiń menshiginde 10 júzdik jer bar. Al qala ákimi jubaıynyń atynda bir, eki jáne tórt bólmeli úsh páter bar eken.

Biraq, statısıka departamentiniń sońǵy kórsetkishine saı, elimizdiń óndiriske baı óńirdegi adam basyna shaqqandaǵy ortasha eńbekaqy esebi - 100 myńǵa teń. Ázirge, memlekettik qyzmetkerler tabysyn jarıa etý boıynsha Qaraǵandy óńiriniń basshylary kósh bastady. Ázirge elimizdiń ózge oblystar men qala ákimderi memleketten berilgen jalaqylaryn jarıa etpek túgili,  attaryna tirkelgen dúnıe-múlikteri týraly eshteńe jazbaǵan.