Valentına Basova byltyr Merıban Omarova degen kelinshekpen tanysqan. Ol jalǵyzbasty zeınetkerdiń ishi baýyryna kirip, ózin meıirimdi jan esebinde kórsetipti. Alaıda qamqorshy keıpinde júrgen jannyń oıy buzyq bolyp shyǵady. Tipti baspanany óz atyna menshikteý úshin qart kisige ý bermek bolǵan. Nebir quıtyrqy áreketterden aman qalǵan ájeı aqyry úsh-aq kúndik tanysyna aldanyp tynady, -dep habarlaıdy   Qamshy.kz portaly KTK arnasyna  silteme jasap.

-Ol maǵan qaraılasatyn bolyp kelisken. Biraq aldyn ala páterdi qalaı rásimdeýge bolatynyn bilý úshin notarıýske baryp keleıik dep ótindi. Ol meni dýalady ma túsinbeımin. «Maqul» dep baryp edik, aqsha aldym degen jerge, taǵy bir jerge qol qoı dedi, men qoıa salyppyn. Sóıtsem ol alaıaq meni taqyrǵa otyrǵyzypty, - deıdi zeınetken Valentına Basova.

Zeınetker alaıaq áıeldi sotqa berip, páterin qaıtaryp alǵan. Alaıda 54 jastaǵy kelinshek keıýananyń kózin qurtýǵa endi kıller jaldaıdy. Sóıtip, ájeımen kórshi turatyn jigitterge 150 myń teńgege tapsyrys bergen. Biraq mundaı ispen aınalysyp kórmegen azamattar dereý tártip saqshylaryna habar jetkizedi. Al áıeldi qylmys ústinde quryqtaý úshin páter ıesiniń ólimin qoldan uıymdastyryp, ózin baskeserlerge aqsha berý kezinde tutqyndaǵan.