Tashkent qalasynyń «Istıklol» Konsert zalynda 4 myń kórermenniń qatysýymen Jambyl Jabaevtyń 170 jyldyǵy men Álisher Naýaıdiń 575 jyldyǵyna arnalǵan halyqaralyq aıtys bolyp ótti. Bul týraly QR SİM baspasóz qyzmetinen habarlady.

Aıtysqa óleń janrynyń 14 jas ári tájirıbeli sheberi qatysty. Shara dostyq, qyzyqty ári tanymdyq ortada ótti, qatysýshylar sheber sýyryp salma ónerin, tapqyrlyǵyn tanyta bildi.

Atalǵan mádenı sharanyń jeńimpazdary: Jarqynbek Naýshabekov (bas júlde, Saryaǵash qalasy); Qulmahan Dúısenov (1-shi oryn, Ózbekstan Respýblıkasy); Anar Japarqulova (2-shi oryn, Shymkent qalasy); 3-shi oryndy Nurlan Esenqulov (Shymkent qalasy) men Birjan Baıtýov (Taraz qalasy) ózara bólisti.

Aıtystyń barlyq qatysýshylaryna Qazaqstan Respýblıkasynyń Ózbekstandaǵy Elshiligi estelik syılyqtar men kádesyılar tabystady. Júldeli oryndardyń ıelerine aqshalaı syılyqtar berildi.