Laýra Seıitbekova «Qaırat Nurtas Mádenıet mınıstrliginiń vıse-mınıstri bolyp taǵaıyndaldy» degen habardyń feık ekenin jetkizdi. Sondaı-aq ánshiniń dırektory eger Nur.kz saıty osyndaı ósek-aqparlaryn doǵarmasa quzyrly organdarǵa shaǵymdanatynyn jetkizdi, - dep habarlaıdy Qamshy.kz portaly.
Bul týraly ánshiniń dırektory áleýmettik paraqshalarynda jazyp, atalmysh satqa eskertý de jasady. Al oqyrmanǵa jalǵan aqparattyń qalaı taraǵanyn túsindirdi.
«Aqparat tarap, áleýmettik jelilerde talqylanyp ketkennen keıin ǵana Nur.kz saıtynyń jýrnalıseri habarlasty. «Bul aqparat ras pa?» dep surady. Men «qyzdar, sizder tym kesh zvondap turǵan joqsyńdar ma? Sizder taratqan aqparattaryńyzǵa senimdi boldyńyzdar ma?» dep suradym. Sonda baryp olar «bul qaljyń ba ne?» deıdi. «Bilmeımin, kerisinshe men sizderden suraımyn, mundaı aqparatty qaıdan alyp taratyp júrizder? Aqpartty taratpastan buryn tekserip almadyńyzdar ma?» degenime olar áldekimniń áleýmettik jeli paraqshasynda jazǵanyn aıtty. «Jaqsy. Sizder birinshi zvondap, aqparatty tekserip baryp, saıttaryńyzǵa jazbaısyzdar ma?» dedim men. Joq, olar birinshi aqpartty taratyp, sosyn baryp suraıdy jón-josyǵyn», - deıdi Qaırat Nurtastyń dırektory Laýra Seıitbekova.
Laýra Seıitbekova «Qaırat Nurtas QR mádenıet jáne sport mınıstrliginiń vıse-mınıstri boldy» degen aqparatty taratqan Nur.kz saıtynyń jýrnalsıteri ózderiniń kásibı emestigin kórsetti jáne QR BAQ týraly Zańyn buzdy dep esepteıdi. Sondaı-aq, Seıitbekova saıt jýrnalıseri jalǵan aqparatymen ánshi Qaırat Nurtastyń ımıjine zalal keltirdi dep sanaıdy. Onyń aıtýynsha budan da ózge máselelermen saıt ákimshiligimen birneshe qaqtyǵystar týyndaǵan. Qoǵamdyq pikirtalas týdyrǵan materıal óshirilgenimen, ánshiniń dırektory atalmysh portaldy sońǵy ret keshiretinin jetkizdi.
«Eger osyndaı jaǵdaı qaıtalanatyn bolsa, biz eskertip jatpaımyz, birden polısıaǵa shaǵymdanatyn bolamyz. Biz olarǵa zań men jýrnalısik etıkany saqtaýyn talap etemiz. Men álgi saıt jýrnalıserine jurtqa jalǵan aqparat, ósek-aıań taratpaýǵa keńes beremin», - deıdi Qaırat Nurtastyń dırektory.
Esterińiezge sala keteıik, keshe 28 sáýirde Nur.kz portaly «Qaırat Nurtas QR Mádenıet jáne sport mınıstrliginiń vıse-mınıstri bolyp taǵaıyndaldy» degen aqparat taratqan bolatyn.
QR Mádenıet jáne sport mınıstri Arystanbek Muhamedıuly Qaırat Nurtastyń vıse-mınıstr bolyp taǵaıyndalýy týraly aqparatty joqqa shyǵarǵan bolatyn.
"Arnaıy talaptar, tártipter bar. Jańa zańnamada óte qatań talaptar belgilendi. Mysaly, sizder jýrnalıs bolyp jumys isteısizder, keıin bólim meńgerýshisi, odan keıin jetekshi, basqarma tóraǵasy bolasyzdar. Barlyǵymyz osy joldan óttik. Osylardyń bárinen ótý kerek", - dep pikir bildirgen mınıstr.
