Almatyda Qarǵaly ózeni aransynan shyǵyp, qaladaǵy yqshamaýdandardyń biri sý astynda qaldy, - dep habarlaıdy  Qamshy.kz portaly Tengrinews.kz saıtyna  silteme jasap.

"29 sáýir kúni keshkisin Qarǵaly ózeniniń deńgeıiniń kóterilýi saldarynan Alataý aýdanyn (Alǵabas yqshamaýdany, Beıbitshilik kóshesi) sý basyp qaldy. Saldarynan 14 úı sý astynda qaldy", - dedi İİM Tótenshe jaǵdaılar jónindegi Komıtetiniń resmı ókili Rýslan Imanqulov

Onyń aıtýynsha, qazir oqıǵa ornynda Almaty TJD órt sóndirý jáne avarıalyq qutqarý qyzmetiniń, "109- Qutqarý qyzmeti", Alataý aýdandyq TJB, "Almaty Tazalyqtyń" jeke quramy jumys istep jatyr.

Tótenshe jaǵdaıdyń saldaryn joıýǵa 70 adam men 17 tehnıka jumyldyryldy. Qutqarýshylar Qarǵaly ózeniniń jaǵasy men úılerdiń aınalasyna qum salynǵan qaptardy tósep jatyr. Oqıǵa ornyna 45 tonna sýsymaly materıaldar jetkizildi.

Aıta keteıik, ózenniń arnasynan shyǵýynan Jetisý aýdanyndaǵy úıler de zardap shekti.