Túrksib aýdandyq sotynda "Eır Astananyń" eks-pıloty Roman Bykovqa jaza kesildi, - dep habarlaıdy Qamshy.kz portaly Tengrinews.kz saıtyna  silteme jasap.

Sot sheshimine sáıkes, ol taǵylǵan barlyq aıyp boıynsha kináli dep tanylyp, 2,5 jylǵa bas bostandyǵynan aıyryldy. Eks-pılot jazasyn jalpy rejımdegi kolonıada óteıdi. Sonymen qatar, sot sottalýshyǵa 300 AEK kóleminde aıyppul salyp, eki jylǵa deıin ushaq basqarýǵa tyıym saldy. Roman Bykov sot zalynda qamaýǵa alyndy.

Eske sala keteıik, naýryz aıynyń basynda "Eır Astana" pıloty Roman Bykov Almaty áýejaıynda esirtkimen ustalǵan bolatyn. Saraptama nátıjesine súıensek, onyń qanynan kannabınoıd izderi anyqtaldy. Keıin ol áýe kompanıasynan jumystan shyǵaryldy. Bykov bolsa áreketine ókinetinin aıtty.

İs materıaldaryna súıensek, Roman Bykovtan 1,55 gram marıhýana tárkilengen. Oǵan QR Qylmystyq Kodeksiniń 286-baby 1-bóligi ("Qazaqstan Respýblıkasynyń Memlekettik shekarasy arqyly esirtki zattaryn zańsyz alyp ótý") jáne QR Qylmystyq Kodeksiniń 296-baby 2-bóligi ("Esirtki, psıhotroptyq zattardy, sol tektesterdi, prekýrsorlardy ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý"), QR Qylmystyq Kodeksiniń 258-baby ("Áýe kemesin esirtkige mas kúıe basqarý") boıynsha aıyp taǵyldy.