Soltústikte tasqyn sýdyń ortasynda qalyp qoıǵan aýyl tabyldy. Beskól dep atalatyn eldimekenniń turǵyndary aıaqtaryna rezeńke etik kıip, belýardan sý keship júrgenderine bir aıdan asypty, - dep habarlaıdy 31 arna

"Men qazir kishkentaı balamen anda-mynda júgirip júrmin. Bul úıde turýǵa maǵan nevozmojno. Kórip tursyzdar bul shirıdi. Qulaıdy", - degen Beskól aýylynyń turǵyny Aınagúl Nurtazına aıdyń basynda soltústiktiń jıyrmaǵa jýyq aýylyn erigen qar sýy basyp, tasqynnyń astynda qalǵannan beri tup-týra 26 kún ótse de, úı tolǵan sý tolyq keýip bitpegenin aıtady.

Aýlalaryndaǵy sýdyń deńgeıi tipti tizeden asady. Beskóldikterdiń aıtýynsha, rezeńke etik bir aıdan beri kúndelikti kıetin aıaq kıimge aınalypty.

Al baspanalarynda turýǵa bolatyndardyń ózderi, balalarymyzdy jaqyndarymyzǵa aparyp tastaımyz deıdi. Óıtkeni sý sińip qalǵandyqtan, kógergen ıis pen ylǵaldan aýyryp qalady ma dep qorqatyndaryn aıtady.

Aıdan artyq sýdyń ortasynda otyrǵan jurt máseleleriniń jýyq arada sheshilýin talap etip otyr.