Qazaq tildi jýrnalıser jýrnalısen opozısıa ókiline, saıasat qýýshyǵa aınalyp barady. Áleýmettik jelidegi jazǵandarynan-aq baıqalady. Syn kóp. Gazetterdegi maqalalarynda obektıvtilik az. Súısinetin saraptama joqtyń qasy. Jýrnalısıkanyń zańdylyqtaryn kópshiligi aınalyp ótip júr. Belsendi emes. Baspasóz máslıhatyna jýrnalısıkaǵa jańa kelgen stýdentter bolmasa, basqalary bara qoımaıdy. Mamandyǵynan lázzat alyp júrgender az, jalaqy úshin ǵana júrgender kóp. Biraq bul úshin qazaq jýrnalıserin kinálaýdyń qajeti joq. Kiná qazaq BAQ-ynyń qolbala deńgeıine túskenine nemese túsirilgeninde ma dep oılaımyn. Kópshiligi memtapsyryspen kún kóredi. Amal joq maqtaý, asyra maqtaý jazady. Odan el de, jýrnalıser de jalyqty. Bıznes kózine aınaldyraıyn dese, bıznestiń bıshigin ustaǵandar orys tildi. Olar qazaq tildi BAQ-tyń aýdıtorıasy bizdiń jarnamany aqtamaıdy dep sanaıdy. Kóbi tildi bilmeıdi. Sosyn oqymaıdy. Sanaspaıdy. Saldarynan Qazaqstandaǵy aqparattyq keńistikte qazaq tildi BAQ-tyń da, jýrnalıserdiń de úni báseńsip barady. Orys tildi BAQ-y qaı jaǵynan alyp qarasań da ústemdik quryp otyr. Bılik qazaq tildi BAQ-pen jumys boıynsha jańa sheshimder qabyldaýy kerek. Qarajat únemdeý kerek, ózin aqtamaıtyn BAQ jabylsyn degen kózqarastan qazaq tildi jýrnalıser úsh tildi bolyp, ózin-ózi asyraı alatyn kezge deıin arylý kerek. «Bolashaqpen» qazaq jýrnalıserin shetelge 3 aı, 6 aı, 1 jylǵa deıin tájirıbe almasýǵa jiberý kerek. Bilimin kóterý kerek. Tildi úırenýine jaǵdaı jasaý kerek. Sonshama jýrnalısiń opozısıalyq, narazylyq kózqarasta bolýy memleket úshin qaýip. Erteń jazý qabileti bar top tobyrǵa aınalsa qıyn. Joǵary jaqta júrgender úshin ol kórinbeıtin shyǵar. Men tómennen joǵary qarasam osyny kóremin. Ári jumysym BAQ-pen baılanys bolǵandyqtan, kóp nárseni kórýge týra keledi.