Másimov Premer! Qazaqsha úırenem dep dúıim halyqtyń aldynda ýáde berip, biraq sózinde turmaǵan adam qaıta Úkimetti basqaratyn boldy. Ony maqtaıtyndar: "álemdik daǵdarystan eldi alyp shyqqan osy kisi" dep ákámnyń astyna kórpe qoıady. Al dattaýshylar: "syrty jaltyrap, ishi qaltyrap turǵan kásiporyndar legi osy myrzanyń premerligi kezinde ashylǵan" deıdi. Dálirek aıtsaq, aty dardaı kásiporynnyń tusaý keser lentasy qıylady, arasy bir jyldan keıin, qaıta jabylady. Kezinde sarapshylardyń deni "kabınetinen shyqpaıtyn Premer" dep atap edi. "Aýyl jyly" baǵdarlamasy kezinde 300 mlrd teńge bólindi. Biraq, sonyń qyzyǵyn aýyl halqy aqyry kórmeı ketti. Másimov premerlik etken kezde azyq-túlik baǵasy qymbattady, otandyq bankter oısyrady, ıdeologıa salasy umyt qaldyrylyp, dinı ekstremıster dendep ketti eldi... Endi sý jańa - kóne Premer osy jibergen olqylyqtardyń ornyn toltyrady ma eken?