Baıan Esentaeva jurtqa júzin kórsete almaı júr, - dep habarlaıdy Qamshy.kz.

Prodússer Baıan Esentaeva kúıeýinen zardap shekken oqıǵadan keıingi júzin áli kórsete qoımady. Bir apta buryn teris qarap turǵan sýretin júktegen Baıan Esentaeva búgin de júzin kórsetpegen fotolaryn jarıalady.

Prodússerdiń ınstagram paparqshasyna jazylýshylar bolsa onyń júzin kórýge asyq ekenderin aıtyp, denine saýlyq tilep jatyr.

Osydan eki aı buryn kúıeýinen zardap shekken Baıan Esentaeva aýrýhana tóseginde jatqanda da, emin úıinde, shetelde jalǵastyrǵanda da shoý-bıznes pen áleýmettik jelilerde úzilis jasaǵan bolatyn. 

Araǵa bir jarym aı salyp, jumysyna kirisken Baıan Esentaeva "Lashyn" tobymen jumysyn jalǵastyra bastaǵan edi. Onda da ınstagram paraqshasynda atalmysh toptyń jańa ánderin jarnamalap, otbasyna kóńil bólip, ishi qyzy Aıarýdy shetelge demaldyratyny týraly jańalyqtarymen bólisken edi.

Esterińizge sala keteıik, onynshy maýsym kúni Qulja tasjolynyń boıynda Baıan Esentaevany kúıeýi aýyr soqqyǵa jyǵyp, pyshaqtap tastaǵan bolatyn.

Belgili bolǵandaı, Baqyt Esentaev sol kúni mas bolǵan. Ol ýaqytsha oqshaýlaǵyshqa qamaýǵa alynyp, Qylmystyq kodekstiń 99 baby boıynsha áıelin óltirmek boldy degen kúdikke ilindi.