Almatyda ál-Farabı atyndaǵy Qazaq ulttyq ýnıversıtetiniń stýdenti jumbaq jaǵdaıda joǵalyp ketti, - dep habarlaıdy Qamshy.kz 31 arnaǵa silteme jasap.

22 jastaǵy Erik Muratulynyń jaqyndary, qandaı da bir málimet bergenderge iri kólemde syıaqy usynyp otyr. Sebebi, osydan bir aı buryn  Almatydan Narynqolǵa jolǵa shyǵyp ketken jas jigitten  áli eshqandaı habar oshar joq.

Bıyl dıplomyn alýy kerek bolǵan Erik Muratuly shildeniń segizi kúni Almatydan týǵan jeri Narynqolǵa keshki segizder shamasynda jolǵa shyqqany qalanyń shyǵaberisindegi beınekameraǵa túsip qalǵan. Almaty men Raıymbek aýdanyna deıingi joldyń mańyn  sholyp shyqqan jaqyndary, tek daladan kóliktiń ózin ǵana tabady. Al, stýdenttiń  odan keıin qaıda baǵyt alǵany sol kúıi  belgisiz.

- 8 ıýlde  shyǵyp ketken sodan joq. Mashınasyn taýyp aldyq. Dinı aǵymǵa áýestigi joq. Temeki shekpeıdi, ishpeıdi. Kúlip qana júretin, - deıdi Eriktiń dosy Aıbol Qudaıbergen.

Ulynan kóz jazyp qalǵan  ata-ana Erikti kórgen-bilgenderden kómek suraıdy. Tipti, qandaı da bir tyń aqparat bergenderge 5 mıllıon teńge syıaqy usynyp otyr.

- Tapqan adam bolsa suraǵanyn beremiz, eger bireý qorlyqpen ustap otyrsa da jibersin, qansha aqsha surasada beremiz, - deıdi ápkesi Indıra Qyrǵyzbaıqyzy.

Erik Muratuly  jaıly málimet biletinder bolsa,  tómende kórsetilgen  myna telefon nomerlerine  habarlasýyna bolady: 8 701 785 33 87, 8 701 130 95 60.