Almaty oblysynda alyp qashý kezinde apatqa ushyraǵan qyzdyń emin ony áıel etip alǵysy kelgen marqum jigittiń jaqyndary kóteretin boldy, - dep habarlaıdy Qamshy.kz KTK arnasyna silteme jasap.

Búgin qara jamylǵan otbasyndaǵylar aýrýhanaǵa kelip, Álıa Oshaqbaevanyń hál-jaǵdaıyn suraǵan.

Iaǵnı otbasyn quramyn dep, ajal qushqan jigittiń týystary naýqas qyzǵa jasalatyn ota men dári-dármektiń shyǵynyn moıyndaryna alǵan. Tipti qyz aıaǵynan turǵansha, qoldan kelgenniń bárin jasaımyz depti. Alaıda naýqastyń aıaqqa turý-turmaýy aldaǵy otadan keıin belgili bolady. Dúısenbide Álıa qalalyq aýrýhanaǵa aýystyrylmaq. Birer kún buryn qyz alyp qashýdyń arty jantúrshigerlik jaǵdaımen aıaqtalǵan edi. Kelin túsirýge asyqqan kólik apatqa ushyrap, kúıeý jigit pen 3 dosy birden qaza tapty. Apattan aman qalǵan jalǵyz qalyńdyq qana. 22 jastaǵy boıjetken jigitterdiń ony kelisimsiz alyp qashqanyn aıtqan bolatyn. Tipti júıtkigen kóliktiń tizgininde ishimdik ishken polısıa qyzmetkeri otyrdy degen. Biraq oblystyq ishki ister departamentindegiler muny joqqa shyǵaryp otyr.