Aqtóbedegi oblystyq drama teatry jat aǵymnyń jeteginde ketkender jaıynda qoıylym ázirlep jatyr. Sodyrlar soıqanynan soń bul óńirdegi óner ordasy jańa maýsymda osy máseleni kóterýdi jón sanaǵan, - dep habarlaıdy Qamshy.kz KTK arnasyna silteme jasap.
Spektáklde jaqyndaryn jat sanap, Sırıadaǵy soǵysqa baryp sendelgen otbasy týraly aıtylady.
-SHeshshi, aınalaıyn, qyzym-aý. Sheshshi analaryńdy.
-Apataı...
Aıdyń-kúnniń amanynda qara jamylyp, betin búrkemelegen qyzynyń qylyǵyna zarlaǵan ana. Kúndelikti ómirde kórip júrgenimizben, bul kúrmeýi sheshilmeıtin máselege aınalyp bara jatyr. Sondyqtan aqtóbelik ártister de ásiredinshilderdiń áreketin kórermenge ashyq kórsetýdi jón sanaǵan. Áıtse de, arabsha til syndyryp, radıkaldardy somdaý ońaıǵa soqpaı otyr. Sondyqtan keıibiriniń keıipkerdi ashý úshin «saqaldylarmen» jaqyn aralasýyna týra kelgen.
Keńes Kemalbaev, T.Ahtanov atyndaǵy oblystyq drama teatrynyń ártisi:
-Bylaı tanıtyn adamdar da bar ǵoı. Áńgimelesip, jón jobasyn, qandaı baǵyta áli de qalaı sóılesý. Ony úırenip alýymyz kerekpiz. Áıtpese ózimizshe oınaı bersek, kelistire almaı qalsaq olar ondaı emes edi, búldirip ketti degen áńgimege qalýdan da qorqasyń.
Aqtóbedegi sodyrlardyń soıqanynan keıin jat aǵymnan jastardy jırendirý úshin óner ujymdary da belsenip jatyr. Darama teatr basshylary Jabal Erǵalıevtiń pesasyn qoıýǵa astanalyq rejıserge qolqa salypty.
Nurlan Jumanıazov, rejıser:
-«Aýrýyn jasyrǵan aram óledi» demekshi, kózqarasymyzdy bildirý kerek sıaqtymyz. Budan qoryqpaý kerekpiz. Ár máseleni aıtýdan qoryqpaý kerek qoǵam da, sol qoǵamnyń ár adamy da.
-Jat aǵymnyń jeteginde ketkender týraly qoıylym qyrkúıektiń basynda sahnalanady. Oǵan kórermen retinde adasyp júrgen ásiredinshilerdi de shaqyrý josparlanǵan. Biraq olardyń munda kele qoıýy ekitalaı.
