Jaqynyńa jánnatqa aparar jol syıla!

/uploads/thumbnail/20170709052331898_small.jpg

Adamnyń quny arzandap, jaqyny jatqa aınalǵan myna zamanda musylmandyqtyń jóni árqashanda bólek. Paıǵambarymyz(ﷺ): «Bir-birlerińe syılyq berińder. Óıtkeni syılyq aradaǵy mahabbatty arttyrady», - degen eken. Qazir qaı qazaq bir-birin nemen syılap jatyr? Áke-shesheni de, súıgen jardy da, bala-shaǵany da rıza etýge tıis er azamattar she? Synaq ómirdiń syry – jánnatqa apara jolda jatyr desek, balasy ata-anasyna, ata-anasy balasyna ne istep rızashylyq izdeýde? Árıne, pende úshin eń úlken syı – adamnan mahabbat, Alladan jánnat kútý... Musylman balasy ıman keltirip, oraza ustap, zeket berip, namaz oqyp júrsede, eń sońǵy paryzy qajylyq mindetin óteý - kez kelgen adamnyń mańdaıyna jazyla bermeıtini anyq. Degenmen sheteldiń demalys oryndarynda oınaq salyp júrgen Otandastarymyzdy kórgende nege solardyń kaǵbaǵa qadam tastamaıtynyn oılaısyń? Tym qurysa balasy ata-anasyn, kúıeýi áıelin qasıetti Mekkege bastap barsa qandaı saýap pen rızashylyqqa keneler edi?! Álde qajylyqtyń qalaı bolatyny týraly maǵlumat joq pa? Endeshe nazar aýdaryńyz. Biz Qazaqstandyqtardyń qajylyǵy týraly «Atlas Týrızm» kompanıasynyń basshysy Máýlen Qaldybek myrzamen suhbattasqan edik.

- Sálemetsiz be, Maýlen Cábıtuly! Jalpy «Atlas tourism» kompanıasy jaıly aıtyp ótseńiz.

- «ATLAS TÝRIZM» fırmasy 2004-jyly ashylyp, Almaty, Astana jáne Shymkent qalalarynda Qajylyq, Umra, Halal Týrızm jáne avıabılet bólimderimen qyzmet kórsetedi. Qajylyq jáne umra jumystaryn 2010 jyldan beri tájrıbeli qyzmetkerlerimen uıymdastyryp keledi. Jyldan jylǵa qajylardyń sany ósýde. Byltyrdyń ózinde bizdiń kompanıa 300-nan astam qajylardy aparyp, aman saý alyp keldi. Atlas Týrızmniń negizgi maqsaty, adamdardy qur ǵana tek qajylyqqa aparyp kelý emes, olardyń sol jerdegi jaǵdaıyn yńǵaılastyrý, den saýlyǵyn baqylaý, qajylarǵa joǵary qyzmet kórsetý bolyp tabylady.

- Bıyl qajylyqqa qansha adam bara jatyr?

- Jylda 5000ǵa jýyq kvota alynatyn bolsa, bıyl Qazaqstan Dinı basqarmasynan bizge kelgen aqparaty boıynsha tek qana 3000 qajyǵa kvota alynǵan. Sondyqtan nıeti bar adamdarymyz tezdetpese oryndarymyz shekteýli.

- Alaıda sońǵy kezde qajylarǵa joǵary deńgeıde qyzmet kórsetýge baılanysty kóptegen áńgimeler shyǵýda. Mysaly qymbat aqshaǵa barǵan qajylardyń ol jerdegi kórgen qyzmet deńgeıi ádettegiden joǵary bolýy keıbir adamdarda narazylyq týdyrýda. Kondısıoner, arnaıy matrastardyń qoıylýy qajylyq sharttaryna saı emes degen áńgime órbýde, osyǵan ózińiz ne deısiz? Sizde qandaı qyzmetter qarastyrylǵan?

- Bizdiń kompanıada bıylǵy 2016 jylǵy qarjy baǵdarlamamyz 3 túrge bólingen:

1. Standart

2. Lúks

3. VIP

Aıtylyp ótken «Standart» paketiniń baǵasy dollarmen sóılesek 3800$. «Standart» paket bul ekonom paket emes, nemese keıbir qajylyq fırmalarynyń Standart paketinen ózgeshe; ádette Mınada, Arafatta eki-úsh mezgil taǵam, arnaıy matrastar kirmeıdi. Al bizdiń «Standart» paketimizde Mına shatyrlarynda 3 mezgildik taǵam, 24 saǵat sháı-kofe jáne qajylarymyzǵa yńǵaıly bolý úshin árbir adamǵa aranaıy jastyq-tósenishimen matrastarymyz beriledi. Qajylyqtyń negizgi rıtýaldary-4 kún boıy osy Mına-Arafat alqabynda ótetinin eskersek, buǵan qosa adamdardyń kóptigi, kúnniń aptap ystyqtyǵyn da qossańyz, joǵarydaǵy atalǵan qyzmetter qajylarymyzǵa úlken jeńildik bolmaq.

Biz 6 jyldyń ishinde 5000-nan astam qajylardy Allanyń qudiretimen aman-saý, óte kóterińki kóńil kúıimen elge jetkizdik, meniń oıymsha bul óte mańyzdy kórsetkish.

- Biraz qajylardan «Bizdi qonaq úıge apardy sosyn týrızm ókilderin anda-canda bir kórgenimiz bolmasa, barlyq sharttardy surastyryp ózimiz jasadyq» degen shaǵym estidik. Jalpy Atlas ujymy mamandary qajylyq kezinde tolyqtaı úlgere ma?

- Qajylyq saparǵa shyqpas buryn ár senbi kúnderi Almaty, Astana, Shymkent jáne Aqtaý qalalarynda qajylarymyzǵa arnaıy dárister uıymdastyramyz.

Ár qajyǵa bastan aıaǵyna deıin qasynda bolatyn jetekshi tanystyrylady. 25-30 adamǵa arnaıy bir jetekshi taǵaıyndaımyz. Jetekshilerimiz birneshe jyldyq tájirıbesi bar mamandar, ár jetekshi týraly atlas.kz saıtymyzdan aqparat ala alasyzdar.

Mundaı tájirıbeli ári tek Alla yrzashylyǵy úshin qajylarǵa qyzmet jasaıtyn ujym bolýdyń ózi óte mańyzdy jáne bıyl Alla qalasa biz oılaǵannan da joǵary qyzmet kórsetemiz.

Buǵan qosymsha, fırmamyzdyń atynyn árbir qajymyzǵa ulttyq naqyshpen órnektelgen Qajylyq kıimin tegin syılaımyz. Bul birinshiden elimizdiń abyroıyn kóterý bolsa, ekinshiden mıllıondaǵan adamnyń ishinen bir-birin ońaı taýyp alýǵa múmkindik beredi.