Zyrán aýdany Buqtyrma jaǵalyq týrısik aımaǵymen Qazaqstanǵa keńinen tanymal. Bıylǵy jyly týrızmdi damytýǵa maqsatynda jańa demalys oryndary ashylyp, týrısik ınfraqurylymdy jetildirýge negizgi ekpin jasalǵan, - dep habarlaıdy Qamshy.kz  .

Jańa Buqtyrma aýylynyń ákimi Janat Solmenbaeva málim etkendeı, joldardy jóndeýge kásipkerler de qoldaý bildirýde. Osynyń arqasynda birneshe demalys bazasyna aparar jol kúrdeli jóndeýden ótken.

– Týrızmdi damytýshy negizgi tetigi retinde memlekettik búdjetten 10 mln, demeýshiler qarajatynan 54 mln teńge bólinip, jalpy 12,5 shaqyrym jol kúrdeli jóndeýden ótti. Endi taǵy 1,5 shaqyrym joldy jóndeý josparǵa alynyp, qarajat bólinýde, – dedi Janat Solmenbaeva.

Aıta ketsek, atalǵan demalys bazasynyń mańynan 100 adamǵa arnalǵan qonaqúı salynýda. Jeke kásipkerdiń isine járdemdesip, týrıserdiń sanyn arttyrý maqsatynda bul jerge de joldy jóndeý qarastyrylǵan.

Qazirdiń ózinde Buqtyrma sý qoımasynyń jaǵalaýynda 99 demalys bazasy ornalasqan. Jeke menshik kásip pen týrızmniń kózine aınalǵan bazalardan ótken jyldyń ózinde 23779,6 myń teńge kóleminde salyq túsken.