Tamyzdyń 13-i kúni Astanadaǵy Ulttyq murajaıy ǵımaratynda Jer reformasy boıynsha qoǵamdyq komısıanyń kezekti otyrysy ótedi. Komısıa otyrysyna qatysam deýshiler búgin 18:00-ge deıin https://goo.gl/forms/GT5XHmIzpim0vhKi1 silteme boıynsha tirkelýi qajet. Komısıanyń erteńgi otyrysy saǵat 10:00-de bastalady, - dep habarlaıdy Qamshy.kz Baq.kz - ke silteme jasap.

Aıta keteıik, Jer komısıasynyń sońǵy otyrysy Atyraý qalasynda ótken bolatyn. Sol jerde ekonomıkalyq toptyń jetekshisi Aqylbek Kúrishbaev aýyl sharýashylyǵy jerlerin qazaqstandyqtarǵa jalǵa berý boıynsha komısıanyń naqty usynystaryn jarıalaǵan. Al jerdi óz azamattarymyzǵa satý jáne sheteldikterge jalǵa berý boıynsha áli naqty bir sheshimder ázirlengen joq. Komısıa músheleri aldymen barlyq aımaqtardy aralap shyǵýdy kózdeıdi. Sonyń negizinde atalǵan eki mańyzdy másele boıynsha tıisti usynystar daıarlanady.

Jaqynda Premer-mınıstr Kárim Másimovti qabyldaǵan Prezıdent Nursultan Nazarbaev jer reformasy boıynsha respýblıkalyq komısıanyń jumys nátıjesin usynýdy tapsyrdy. Osy jáne basqa da máseleler tamyzdyń sońynda ótetin Úkimettiń keńeıtilgen májilisinde qaralmaq