Túrik fýtbolynyń aty ańyzǵa aınalǵan shabýylshysy Hakan Shúkúrge tóńkeris jasaýǵa talpyndy degen aıyp taǵylýda. Túrkıa prokýratýrasy el quramasynyń burynǵy shabýylshysyn «qarýly terorıstik toptyń múshesi» dep aıyptaýda, - dep habarlaıdy Qamshy.kz.

Sóıtip Hakan Shúkúrdi tutqyndaýǵa order berildi. «AFP» agenttiginiń habarlaýynsha Stambul «Galatasaraıynyń» burynǵy shabýylshysy Hakan Shúkúr prokýratýra tarapynan «qarýly terorıstik toptyń múshesi» dep aıyptalǵan. Agenttiktiń málimetinshe, bul uıymdy AQSH-ta turatyn túrik ýaǵyzshysy Fethýllah Gúlen basqarady.

Áıgili fýtbolshy sporttaǵy karerasyn aıaqtaǵan soń túrik parlamentiniń depýtaty bolyp saılanǵan. Ol byltyr otbasymen elden kóship ketken. «Galatasaraıdan» bólek, ıtalándyq «Inter» jáne «Pıramý» komandalarynda oınaǵan Hakan Shúkúr 2002 jyly ótken fýtboldan álem chempıonatynda qola júlde ıesi atanǵan.