‪#‎Baıaǵyda‬
Semeıde endi jýrnalıs bolyp bastap júrgen kezim. Qalalyq máslıhatqa keldik. Ne másele ekeni esimde joq, áıteýir suhbat jınadyq. Bári resmı tilde. Memlekettik tilde sóıleýden qashady.
- Apaı, qazaqsha sóılep beresiz be?
- Joq, aıttym ǵoı orys. Aýdaryp al...
- Apaı, onda qazaqsha aıtpaımyn dep kameraǵa aıtyp berińizshi! 
- Túý, óziń qoımaıdy ekensiń! Kel, ne aıtyp bereıin?
Sonda ol kisi biledi. Qazaqsha. Biraq aıtpaıdy. Sanasynda "oryssha aıttym ǵoı, boldy emes pe?! Qazaqsha mańyzdy emes qoı!" degen oı bar. Oǵan senimdi. Postkeńestik sındrom...

‪#‎Qazir‬
Montajsyz, uıaly telefonǵa túsirilgen jas sportshylar "Oryssha aıtpaısyń ba?" degenine qolyn bir siltep ketkende mensinbeýshilik emes, "Qazaqsha aıttym ǵoı, sol jetpeıdi me?!" degen shyn tań qalysty kórdim. Olar biledi. Oryssha. Biraq "Oryssha mańyzdy emes qoı?!" degen oı bar. Táýelsizdik vırýsy. Ony talaı jasóspirim kórip otyr. Aǵalaryndaı Olımp shyńyn baǵyndyrǵysy keledi. Jáne olardyń sanasyna jeńiske qazaq tilimen de jetýge bolatyny aqyryn sińip jatyr...

RAHMET AZAMATTARYM!

Almas Toqabaevtyń Feısbýk paraqshasynan alyndy.