2017 jyly 7 qarashada almatylyq tramvaı 80 jyldyq mereıtoıyn atap ótedi. Degenmen Almaty ákimi Baýyrjan Baıbektiń ótken jyly 31 qarashadaǵy nusqaýymen, qalada tramvaı qozǵalysy toqtatyldy. Oǵan tramvaı sebep bolǵan eki iri jol apattary men relsterdiń jaramsyz kúıge túskeni túrtki boldy, - dep habarlaıdy Qamshy.kz centralasian.org – ke silteme jasap.

2015 jyly 21 qyrkúıekte jolaýshysyz tramvaı 14 avtokólikti joldan yǵystyryp shyǵardy. Jol apatynan tórt adam zardap shekti. Dál osyǵan uqsas oqıǵa 13 qazanda qaıtalandy. Kóshe burylysynda joldan shyǵyp ketken tramvaı onnan astam avtokólikti zaqymdady. Eki adam zardap shekti.

Osy oqıǵalardan soń Almaty ákimi tramvaı parkine baryp, onyń jumysyna kóńili tolmaıtynyn bildirdi. Tramvaılardyń joldan shyǵyp ketýi jıilegen: 2015 jyly osyndaı oqıǵa 43 márte tirkelgen. Komısıa relsterdiń jaramsyz kúıge túskenin anyqtady. Olardy jańartyp, qosymsha vagondar alý úshin mıllıardtaǵan teńge qajet bolady.

2015 jyly 31 qazanda Almatyda tramvaı qozǵalysy kemshilikter túzetilgenshe «ýaqytsha» toqtatyldy. Osy ýaqytqa deıin kemshilikter túzelmegen, óıtkeni qarajat bólinbegen. Bıyl shilde aıynda qaladaǵy birqatar tramvaı jelilerin buzyp ala bastady.

Qala bıligi on jyldan beri jyldam relsti tramvaı qurylysyn salýǵa ýáde berip keledi. Ol 2020 jyly iske qosylyp, kúnine 62 myń jolaýshy tasıdy dep habarlanǵan. Biraq, oǵan qatysty naqty jospar áli joq.