Brazılıanyń Rıo-de-Janeıro qalasynda ótip jatqan Olımpıada oıyndarynda Qazaqstan quramasy jalpy esepte 12-orynnan 14-orynǵa syrǵydy, - dep habarlaıdy Qamshy.kz QazAqparatqa silteme jasap.

AQSH 17 altyn, 13 kúmis, 16 qola medal jeńip alyp, jalpy esepte búgin de kósh bastady. 

Qazirgi esep boıynsha 63 memleket Rıo Olımpıadasynyń medaline qol jetkizip úlgerdi. 

Ekinshi orynda 13 altyn, 10 kúmis, 14 qola medal enshilegen Qytaı quramasy keledi. Al úzdik úshtikte 7 altyn, 8 kúmis, 6 qola medal jeńip alǵan Ulybrıtanıa eliniń sportshylary kóterildi.

Al Qazaqstan quramasy 2 altyn, 2 kúmis, 3 qola medalmen búgin jalpykomandalyq esepte 14-orynǵa syrǵydy.

Eske sala keteıik, jarystyń alǵashqy kúninde dzúdodan erler arasynda 60 kelige deıingi salmaq dárejesinde synǵa túsken Eldos Smetov el qorjynyna kúmis júlde salsa, 48 kelige deıingi salmaqta áıelder arasynda jarysqa qatysqan Otgonseseg Galbadrah Olımpıada oıyndarynyń qola júldegeri atandy. Al úshinshi medaldi qorjynǵa aýyr atlet Farhad Harkı saldy. Ol erler arasyndaǵy 62 kelige deıingi salmaq dárejesinde óner kórsetken bolatyn. Olımpıadanyń tórtinshi kúni taǵy bir aýyr atlet qyzymyz Karına Gorıcheva 63 keli salmaqta tórtinshi medaldi el qorjynyna salsa, Olımpıadanyń besinshi kúni eki aýyr atletimiz Nıdjat Rahımov pen Dmıtrıı Balandın 200 metr qashyqtyqqa júzýden eki altyndy jeńip aldy. 

Al osy kúni áıelder arasynda synǵa túsken aýyr atlet Jazıra Japparqul kúmis júldeger atandy.