Olımpıadanyń segizinshi kúni bastaldy. Búgin Vasılıı Levıt jartylaı fınalda judyryqtasady, - dep habarlaıdy Qamshy.kz aikyn.kz - ke silteme jasap.

Tańǵy saǵat 06:55-te «Habar» arnasy erler arasynda júzýdi tikeleı efırde beredi. 100 metrdi baterfláı ádisimen júzýdi kóre alasyzdar. Dese de elimizden atalǵan jarysqa qatysatyn eshkim joq. Rıo tórinen dál sol sátte kórýge bolatyn kelesi jarys – akademıalyq eskek esý. Bul jerde de bizdiń atletterdi kóre almaımyz. Jeke esepte erler arasynda ótedi.

Oljas Sáttibaev (52 kg) alǵashqy bolyp bastaıdy. Onyń judyryqtasýyn "Qazaqstan" arnasy 19:55-te kórsetedi. Boks keshiniń qyzǵany shaǵy - 01:55-ten keıingi kez. Tartysty "Habar" arnasynan 01:55-ten bastap tamashalaýǵa bolady. Rıngke shyǵatyn endigi boksshy – komanda kapıtany Danıar Eleýsinov (69 kg). Shırek fınalda Danıar venesýelalyq Gabrıel Maestremen kezdesedi. Ýaqyty – 3:30. 91 kelige deıingi salmaqtaǵy Vasılıı Levıt jartylaı fınalda. Qarsylasy – Kýba sportshysy Erıslandı Savon. Serik Sápıevtiń aıtýynsha, bul Levıttiń karerasyndaǵy eń aýyr jekpe-jek bolǵaly tur. Tartysty báseke 3:45-te bastalady. Erler arasynda Olımpıadanyń sharshy alańyna osyǵan deıin shyqpaǵan tek aýyr salmaqtaǵy (+91 kg) Ivan Dychko ǵana qalǵan edi. Onyń judyryqtasýy 4:45-ke josparlanǵan. 1/8 fınaldan bastaıtyn Dychko ázirbaıjandyq Magomedrasýl Iýsýbpen kezdesý ótkizedi.