Astanada ótip jatqan jer komısıasynyń otyrysynda komısıa múshesi Bekbolat Tileýhan moratorııdi uzartý týraly bastamany qoldaıtynyn aıtty, - dep habarlaıdy Qamshy.kz.

«Osyndaı mańyzdy máseleni sheshý úshin qurylǵan komısıa men jarıalanǵan moratorıı úshin Elbasyǵa alǵys aıtý kerek. Jer men eldiń taǵdyry shyǵarylǵandyqtan eshkim tys qalǵan joq. Komısıanyń árbir múshesi janyn salyp jumys istedi. Syndarly suhbat ornady. Bul máseleni bir sátte túbegeıli sheshe salý múmkin emes, ol júıeli túrde sheshýdi talap etedi. Biz halyqpen sanasyp, olardyń usynystaryna qanyqtyq. Negizgi másele jerdiń satylýy men sheteldikterge jalǵa berilýine baılanysty moratorııdi sozýdy usyndyq. Endi asyqpaı, osy baǵytta keshendi jumys júrgizýimiz kerek, - degen ol moratorıı sozylǵan jaǵdaıda komısıa jumysyn toqtatyp, quzyrly mınıstrliktiń jumysyn kúsheıtýdi usyndy.

Búgin Jer komısıasy otyrysynda jerdi satý men sheteldikterge jalǵa berýge jarıalanǵan moratorııdi bes jylǵa sozý usynyldy.