Jánibektiń qarsylasy burynǵy qazaqstandyq boksshy bolmaq, - dep habarlaıdy Qamshy.kz.

Qazaqstandyq boks mektebiniń túlegi, ázerbaıjan sportshysy Kamran Shahsývarly rıngte shırekfınaldyq jekpe-jekte Jánibek Álimhanulyna qarsy shyǵady.

Eske sala keteıik, qazaqstandyq boksshy Jánibek Álimhanuly aljırlyq Ilás Abbadıdy jeńip, shırek fıanlǵa shyqqan bolatyn. 

«Men qazaq boks mektebiniń túlegimin jáne búkil álemge bizdiń boksty pash etkim keledi», - degen Jánibek kez kelgen qarsylaspen jekpe-jekke ázir ekenin atap ótti.

Jánibek Álimhanuly 1993 jyldyń 1-sáýirinde Almaty oblysyna qarasty Alakól aýdanynyń Jylandy aýylynda dúnıege kelgen. 8 jasynan bastap bokspen shuǵyldanady.

Halyqaralyq dárejedegi sport sheberi, Almatyda ótken áýesqoı bokstan álem chempıonatynyń jeńimpazy, Inchhonadǵy Azıa oıyndarynyń jeńimpazy, Ammanda ótken Bokstan Azıa chempıonatynyń jeńimpazy.

Al onyń qarsylasy Kamran Shahsývarly 1990 jyly Qazaqstanda dúnıege kelgen. 2011 jyly KSRO eńbek sińirgen sport sheberi Serik Qonaqbaevtyń júldesi úshin  halyqaralyq týrnırde jeńimpaz boldy. Bokstan Aqtóbe quramasynyń sapynda urys saldy (75 kelige deıingi salmaqta). Qazaqstan atynan kásibı rıngte Shahsývarly bes kezdesý ótkizip, beseýinde de jeńiske jetti.

2013 jyly Ázerbaıjan azamattyǵyn alǵan. 2014 jyly Kamran Shahsývarly Ázerbaıjan chempıony boldy jáne Iýgradaǵy (Reseı) munaıly elder kýbogynda ekinshi orynǵa ıe boldy. Bakýde ótken «Uly Jibek joly» jarystarynda Shahsývarly Qazaqstan boksshysy Saparbaı Aıdanovty jeńdi jáne týrnırdiń jeńimpazy atandy. 2015 jyly Ázerbaıjan chempıonatynda ekinshi oryn alǵan. Qazirgi kezde Shahsývarly Ázerbaıjan quramasynyń quramynda jattyǵýda.