Rıo-de-Janeıro Olımpıadasynyń segizinshi kúninde elimizdiń sańlaqtary sporttyń úsh túrinen baq synaıdy, - dep habarlaıdy Qamshy.kz 24.kz - ke silteme jasap.

Saǵat 18:40-ta úsh qarǵyp sekirýden «A» irikteý tobynda Irına Ektova, «V» tobynda Olga Rypakova men Ekaterına Ektova jarys jolyna shyǵady.

Saǵat 20:00-de 1/16 fınal aıasynda 52 keli salmaqtaǵy boksshy Oljas Sáttibaev alǵashqy kezdesýin ótkizedi. Onyń qarsylasy – Djever Sıntron Okasıo (Pýerto-Rıko).

Saǵat 20:42-de 400 metrge júgirýden – Elena Mıhına, 20:49-da Anastasıa Kýdınovanyń ónerin tamashalaımyz.

Saǵat 23:03-te erler arasynda batýtta sekirý syny bastalady. Onda el namysyn Pırmammad Alıev qorǵaıdy.

Osydan soń sharshy alańda boksshylarǵa qoldaý kórsetemiz. Saǵat 3:30-da Danıar Eleýsinov jartylaı fınaldyń joldamasyn venesýelalyq Gabrıel Maestremen sarapqa salady. Al 3:45-te jartylaı fınalda 91 kelidegi Vasılıı Levıt kýbalyq Erıslandı Savonǵa qarsy shyǵady. Saǵat 4:45-te 1/8 fınal aıasynda +91 kelidegi Ivan Dychko alǵashqy kezdesýin ótkizedi. Onyń qarsylasy – ázirbaıjandyq Magomedrasýl Medjıdov.