«Komısıa óz mısıasyn tolyq atqardy. Bes jylda úlken tehnıkalyq mamandar daıyndaımyz, - dep málimdedi «Birlik» partıasynyń tóraǵasy, Serik Sultanǵalı, - dep habarlaıdy Qamshy.kz.

S.Sultanǵalıdiń aıtýynsha Komısıa óziniń basty mindetterin tolyq atqaryp shyqqan.

«Komısıanyń jumysy óte mańyzdy ótti. Komısıa óz jumysyn eki júz paıyz oryndady. Sebebi, aralaǵan jerlerimizde halyqtyń pikiri bir núkte qoıý kerek degenge toǵysty. Bes jylǵa moratorıı jarıalaýdy qoldaımyn. Bes jylda jerge qatysty saýatymyzdy kóteremiz. Ekinshiden, Elbasy jyldyń basynda tapsyrma berip, kelesi jyldan kásiptik-tehnıkalyq bilim tegin bolady. Bári sátimen kelip tur. Bes jylda úlken tehnıkalyq mamandardy daıyndaımyz. Onyń barlyǵy kezinde jabyldy ǵoı. Ekinshi jaǵynan, ǵylymı áleýetti damytý kerek»- deıdi S.Sultanǵalı.

Ol komısıa jumysy osymen bitýi kerek dep esepteıdi. Eń bastysy, halyqpen sanasý úshin Elbasynyń tapsyrmasymen osy komısıa quryldy. Endi komısıanyń ýaqyty keldi. Bárine rahmet aıtyp, mamandardyń jumys tobyna kirip, eńbek etýine eshkimniń qarsylyǵy joq.