Brazılıanyń Rıo-de-Janeıro qalasynda ótip jatqan Olımpıada oıyndarynda jeńil atletimiz Olga Rypakova úsh qarǵyp sekirýden Qazaqstan qorjynyna tórtinshi qola medaldi saldy, - dep habarlaıdy Qamshy.kz.

Alty ret sekirýge múmkindik berilgen sportshylardyń ishinde Olga Rypakova alǵashqy múmkindiginde 14, 73 sm sekirdi. Ekinshide 14,49 sm, úshinshide – 14, 52 sm, tórtinshide – 14, 20 sm sekirdi. 

Bul saıysta altyn júldeni kolýmbıalyq Katrın Ibargýen (15,17m) aldy. Kúmis júlde venesýelalyq Iýlımar Rohasqa (14, 98m) buıyrdy. Al London Olımpıadasynyń chempıony qazaqstandyq sportshy Olga Rypakova 14. 74 m kórsetkishpen úshinshi orynǵa turaqtap, Qazaqstan qorjynyna tórtinshi qola medaldy saldy. 

Rypakova 32 jasta. Úsh qarǵyp sekirýden London olımpıdasynyń chempıony, 2010 jylǵy álem birinshiliginiń, 2014 jylǵy Azıa oıyndarynyń jeńimpazy. Buǵan deıingi úzdik kórsetkishi – 15, 25 sm. Ol – 2010 jyly Azıa chempıonatynda tirkelgen rekord.

Osylaısha Qazaqstan Rıo-de-Janeıro qalasynda ótip jatqan Olımpıada oıyndarynda jalpy esepte 2 altyn, 2 kúmis, 4 qola medalmen 16-orynyn saqtap qaldy.