Búgin túnde, saǵat 01:30-da Amsterdam-Almaty reısimen Olımpıada júldegerleri Eldos Smetov pen Otgonseseg Galbadrah ońtústik astanamyzdyń áýejaıyna ushyp keldi, - dep habarlaıdy Qamshy.kz QazAqparatqa silteme jasap.
Sportshylardy VIP-termınal arqyly júldegerlerdiń ata-anasy, dostary, BAQ jáne qalalyq ákimdiktiń ókilderi kútip aldy.
«Ulymnyń jeńisine qýanyshtymyn. Bul úzdiksiz jattyǵý men bapkerlerdiń eńbeginiń arqasy. Eldos 6 jasynan sportpen aınalysyp keledi. Olımpıadaǵa qatysý onyń armany boldy», - dedi Eldostyń ákesi Baqtybaı Smetov.
«Jeńisimdi Elbasymyz Nursultan Nazarbaevqa arnaımyn. Osyndaı qurmet, qoshemetpen qarsy alyp jatqandaryńyz úshin barshańyzǵa aıtar alǵysym sheksiz. Bul jeńisti El Táýelsizdiginiń 25 jyldyǵyna tabys etemin. Rıoda sportshylarymyzǵa tek jeńis tileımin», - Eldos Smetov.
Olımpıadanyń qola júldegeri Galbadrah Otgonseseg te barlyǵyna alǵys aıtty.
«Barlyǵyńyzǵa, qoldaý kórsetkenderińizge rahmet. Olımpıada altyny meniń burynnan armanym. Men oǵan jettim. Alǵa, Qazaqstan!»,- dedi Galbadrah Otgonseseg.
