Zyrán aýdanynyń «Ahmedánova» kásiporny kópshilikke qazy, shujyq, jaıa men buqtyrylǵan et syndy ónimder jasaýmen tanymal. Tek dástúrli resept pen tabıǵı ónimnen jasalǵan ónimderge suranys birtindep artyp keledi, - dep habarlaıdy Qamshy.kz.

Birer jyl buryn et óńdeıtin kásipornyn ashqan Larısa Ahmedánova qazirgi tańda qazy, qarta, shujyq syndy 5 túrli ónim ázirleıdi. «Bıznestiń jol kartasy – 2020»  baǵdarlamasy boıynsha 3 mln teńge nesıe alǵan kásipker azǵana ýaqytta sapaly ónimderimen jergilikti jerde birden tanylǵan. Aıta ketetini et ónimderin jasaý men qoımada saqtaý barysynda tek dástúrli ádisterdi qoldanady.

–Barlyq ónimdi tapsyrys boıynsha ázirleımiz. Qazir buqtyrylǵan etimizge suranys joǵary. Sebebi onyń quramynda burshaq, soıa syndy jasandy qospalar joq. Al ázirlegen shujyqty tútinge qaqtaý úshin Tarhanka aýylynan belgili aǵashtardyń japyraǵy men úgindilerin aldyramyz, – dedi kásiporyn basshysy Larısa Ahmedánova.

Aýdan naryǵyn qamtyǵan kásipkerdiń ónimderin Óskemen qalasynda da kóptep tutynady. Aldaǵy ýaqytta taǵy birneshe et óniminiń túrin shyǵaryp, halyqqa usynýdy josparlap otyrǵanyn da jetkizdi.