Mańǵystaý oblysynyń ákiminiń qoldaýymen, belgili qurylys kompanıasynyń basshylyǵy men belgili azamatttardyń muryndyq bolýymen ánshi Tamara Asarǵa Aqtaý qalasynyń ortalyǵynan úsh bólmeli páterdiń kilti tabys etildi, - dep habarlaıdy Qamshy.kz.

Bul týraly ánshiniń ózi Instagram paraqshasynda jazyp, qýanyshyn bólisti. 

"Súıinshi! Mańǵystaýǵa Qambardyń qazyǵy qaıta qaǵyldy! (Uzaǵynan súıindirsin). Qýanyshty bólisseń kóbeıedi, degendeı, sizdermen bóliskim keledi, dostarym! Men qazaqtyń qyzymyn! Ónerimdi elim, jerim dáriptep, "Han" kóterip keledi. Rızamyn, shúkir. Mańǵaz Mańǵystaýymnyń márt azamaty Samat Musabaev bastaǵan qurylys kompanıasy demeýshilik etip, aımaqqa óz eńbegin sińirip kele jatqan, Oraq Aıapov sıaqty aǵalarym qamqor bolyp, oblys ákimi Alık Aıdarbaev saltanatty túrde maǵan Aqtaý qalasynyń ortalyǵynan sý jańa kóterilgen úıden 3 bólmeli páter syıǵa tartty!", - dep jazǵan ánshi.

Tamara ózine páter syılaǵan azamattarǵa alǵys bildirdi.

"Shyn júregimnen joǵarydaǵy aty atalǵan jáne at salysqan aǵalaryma alǵysym sheksiz. Sizderge qaryndastyq tilegim bar: "Urpaqtaryńyzdyń ulylyǵyn kórýdi násip etsin, jaratqan! Meniń keremetimdi emes, Ónerdiń keremetin baǵalaǵan júrekterińizden Aınaldym. Búgingi Qurylysshylar kúnimen osy saladaǵy barlyq qurylysshylardy quttyqtaımyn!!! Bir sharshy ǵana qushaǵyma, barshańyzdy syıǵyzdym!!! Bul buıyrsa, Aq Qambardyń shańyraǵy. "Eń qyzyǵy bul páterge sebepshi bolǵan eki aǵasy, bireýi Samat, bireýi Oraq. Al Qambardyń marqum ákesiniń aty Samat, famılıasy Oraq bolatyn.", - dep jazdy ol.

Aıta keteıik, Tamara Asar jeke ómiri týraly jarıa ete bermeıtinderdiń qatarynda. Alaıda, bul joly jalǵyz uly Qambardyń ákesi týraly qýanysh ústinde tolǵanyspen jetkizdi. 

Jeli qoldanýshylary ánshiniń qýanyshyna ortaqtasyp, uly ekeýine jaqsylyqtar tileýde.