Ońtústiktiń polıseıleri iz-tússiz joǵalǵan 27 jastaǵy Saryaǵash aýdanynyń turǵynyn izdeıdi. 2016 jyldyń 11 tamyzy kúni Saryaǵash AİİB-ne 27 jastaǵy jergilikti turǵyn kelip, onyń áıeli, 1989 jyly týǵan Qurbanova Nýrıpa Talǵatqyzy 10 tamyz kúni úıinen Shymkent qalasyna shyǵyp ketip, qaıta oralmaǵany týraly aryzdanǵan, - dep habarlaıdy Qamshy.kz otyrar.kz - ke silteme jasap.

Belgili bolǵandaı, 27 jastaǵy áıel kúıeýimen birge Saryaǵash aýdanyndaǵy bazarlardyń birinde jumys isteıdi. Ol Shymkent qalasyna taýar ákelýge ketken. Qazir Nýrıpa Qurbanovany izdeýge Saryaǵashtaǵy polısıanyń jeke quramy men krımınaldy polısıa basqarmasy jumyldyryldy.

İz-tússiz joǵalǵan azamatshanyń júrgen jerin anyqtaý maqsatynda barlyq Q(A)İİB-na baǵyttama berilip, jedel izdestirý toby quryldy.

Joǵalǵan Nýrıpa Qurbanovanyń belgileri: boıy shamamen 165-170 sm, ortasha deneli, qara shashty ıyǵyna túsken, kózi qońyr. Kók tústi shalbar, jasyl tústi fýtbolka, qara tústi aıaq kıim kıgen.

OQO polıseıleri iz-tússiz joǵalǵan Nýrıpa Qurbanova jaıynda qandaı da bir aqparat biletinder bolsa, 102 nemese 8-771-883-30-13 nómirine habarlasýyn suraıdy.