Qutqarýshylar Almatydaǵy Alataý aýdanyndaǵy Alǵabasta taǵy bir úı qısaıyp qaldy degen habardy tekserip jatyr, - dep habarlaıdy Qamshy.kz Tengrinews.kz - ke silteme jasap.

QR İİM TJD baspasóz hatshysy Rýslan Imanqulovtyń aıtýynsha, úıdiń qısaıǵany jaıly málimet turǵyndardan kelip túsken.

"Alǵabas-6" yqshamaýdany, toǵyz qabatty eki kireberisi bar turǵyn úı. Úıdiń qısaıyp qalǵany jaıly málimet boldy. Vızýaldy túrde úıdiń qısaıǵany baıqalady, alaıda onyń qanshalyqty qısaıǵanyn mamandar anyqtaıdy. Qazir olar oqıǵa ornyna shyǵyp ketti. Bul mamandar turǵyndardy evakýasıalaý boıynsha sheshim qabyldady", - dedi Imanqulov.

TJK málimetinshe, bul toǵyz qabatty úıge turǵyndar 2016 jyldyń 27 shildesinen bastap kóship kelgen. Úıde 54 páter. Aıta keteıik, Almaty TJD ókilderi oqıǵa ornynda. "Vızýaldy túrde úı búlinbegen. Jaryq túspegen", - dedi TJD ókilderi.

Eske salaıyq, Almatyda osyǵan uqsas oqıǵa bıyl maýsym aıynda da bolǵan edi. Jańadan salynǵan úıdiń turǵyndary túnde evakýasıalanǵan bolatyn. TJ Alataý aýdanyndaǵy Alǵabas yqshamaýdanynda (Momyshuly jáne Aqyn Sara kósheleriniń qıylysy) boldy. Turǵyndardyń aıtýynsha, tolastap jaýǵan jańbyrdan úıdiń jertólesine sý tolyp qalǵan.