Qaraǵandy oblysynda jańa týǵan sábıin qoqysqa laqtyryp jibergen stýdent qyz,  jazadan qutyldy. Sot baýyr eti balasyn dalada qaldyrǵan kelinshekke bir jylǵa shartty túrde ǵana úkim shyǵardy, - dep habarlaıdy Qamshy.kz 31 arnaǵa silteme jasap.

Iaǵnı, zańdy kúshine áli enbegen sheshimge saı, 18 jastaǵy stýdent qyzdy tártip saqshylary júıeli túrde tekserip otyratyn bolady. Ashyq túrde ótken sotta jas ana óz kinásin tolyq moıyndap, ókinetinin bildirdi. Jáne  bul qadamǵa ata-anasynan qoryqqannan barǵanyn aıtqan. Sondyqtan júktiligin balanyń ákesi men óz jaqyndarynan jasyryp kelgen. Azamatsha bıyl mamyrdyń 17 kúni merziminen buryn ájethanada bosanǵan edi. Náresteden qutylýdyń amalyn izdegen ol,  polıetılenge salyp, ony qoqysqa tastaǵan bolatyn. Sábıdi aýla tazalaýshylardyń biri taýyp alǵan.   

- Azamatsha bir jylǵa bas bostandyǵynan shekteldi. Sot 18 jastaǵy stýdent qyzdy 500 myń teńge kóleminde alıment tóleýdi mindettedi. Óıtkeni, ol ata-anasynyń asyraýynda. Al balany zańdy túrde neke qıǵan ákesimen birge asyraıdy, - Qaraǵandy oblystyq soty baspasóz qyzmetiniń jetekshisi Gúlbarshyn Jitikova.