Otandyq neırohırýrgter kópshilikke tanymal bolǵan qaraǵandylyq Nıaz Súndetálıevke úmit syılady, - dep habarlaıdy Qamshy.kz 24.kz - ke silteme jasap.

Aıta keteıik, Nıaz osydan birneshe jyl buryn alǵan jaraqatynan múgedek bolyp qalǵan edi. Qazaqstandyqtar oǵan shetelde operasıa jasatý úshin qarjy jınap bergen de bolatyn. Alaıda, Prezıdent is basqarmasy medısınalyq ortalyǵynyń mamandary oǵan operasıany tegin jasaýǵa daıyn ekendikterin jetkizdi. Sondyqtan Nıaz qolyndaǵy jınalǵan 5,5 mln teńgeni shetelde jedel em alýy qajet balalarǵa aýdardy. Endi otandyq dárigerler Nıaz Súndetálıevke osy aıda operasıa jasamaq. Qaısar jigit óziniń naýqastyǵyna qaramastan aımaqtyń qoǵamdyq ómirine belsene aralasady. Óziniń jeke blogyn júrgizip otyr. Túrli qaıyrymdyq sharalarǵa qatysyp, jetim balalarǵa qoldaý kórsetýge muryndyq bolýda.

- Maǵan «Ult saýlyǵy» baǵdarlamasynyń bas redaktory habarlasty. Qazir olar otandyq medısına jaıynda birqatar baǵdarlamany túsirip jatyr eken. Baǵdarlama «Habar» telearnasynan kórsetiledi. Olar maǵan Astanadaǵy QR Prezıdentiniń is basqarmasy medısınalyq ortalyǵyna jatýymdy usyndy. Operasıadan keıin meniń densaýlyǵym birshama qalpyna keledi degen úmittemin, - deıdi Nıaz Súndetálıev.