Ońtústik Qazaqstan oblysynda  Nurıpa Qurbanovanyń iz-tússiz joǵalyp ketýine kúıeýiniń qatysy bar, - dep habarlaıdy Qamshy.kz TVK telearnasyna silteme jasap.

Derekkózdiń bergen aqparaty boıynsha iz-tússiz joǵalǵan áıeldiń kúıeýi ony óltirgenin moıyndap, onyń óli denesin Jibek joly aýyly mańyndaǵy Keles ózenine tastaǵanyn aıtqan.

Eske salsaq, Saryaǵash aýdanynyń 27 jastaǵy turǵynyn jaqyndary taba almaı júrgenine alty kún boldy. Ony 9 tamyzdan keıin eshkim kórmegen. Al Nurıpa Qurbanovanyń týystary jýrnalıserge ony kúıeýi óltirýi múmkin dep boljap otyrǵanyn aıtqan. Olardyń aıtýynsha, erli-zaıyptylar jıi janjaldasatyn, al kúıeýi bolsa ony óltiremin dep birneshe márte qorqytqan eken.

Nurıpa Qurbanova — kámeletke tolmaǵan úsh balanyń anasy, onymen qosa, tórtinshi balasyna aıaǵy aýyr ekenin týystary aıtqan. Birneshe jyl qatarynan ol Saryaǵash aýdany Abaı aýylynyń mańyndaǵy bazarda kúıeýi ekeýi saýda jasaǵan. 27 jastaǵy kelinshek Shymkent qalasyna taýar satyp alý úshin ketkenen qaıta oralmaǵan.

Joǵalǵan kelinshektiń týystary kúıeýi ekeýi únemi urys-keriste ómir súrip kelgenin jetkizgen. Sońǵy janjaldan keıin-aq áıel joǵalyp ketken.

Atalǵan is boıynsha derekter áli naqtylanbaǵan. Belgilisi, qazir áıeldiń denesi Keles ózeninen izdestirilip jatyr.