Germanıalyq aýyr atlet Almır Velagıchtiń qazaqstandyq áriptesteri men olardyń bapkerine degen ókpesi qara qazandaı sıaqty. Die Welt – ke bergen suhbatynda ol Qazaqstan jáne postkeńestik elder sportshylarynyń esh qymsynbastan dopıng qabyldaıtynyna kúmándanbaıtynyn aıtqan, - dep habarlaıdy Qamshy.kz.

«Eger siz Rıodaǵy jarysty kórseńiz ol masqarany baıqaǵan bolarsyz. Jap-jas sportshylar álemdik rekordtardan bastap jatyr. 77 kelige deıingi salmaq kategorıasynda utqan qazaqstandyq (N. Rahımov – red.) dopıng úshin jazalanǵannan keıin qaıta oralyp, 40 keli artyq salmaqty kóteredi. Osy eki jyl ol úshin tabysty bolǵan sıaqty. Endi osy júktemelermen, álemdik rekordtarmen oınap júr. Bul kúlkili», - degen ol birqatar elderdi sporttan shettetý kerek dep sanaıdy.

«Burynǵy KSRO elderi – Qazaqstan, Grýzıa, Belarýs, Ýkraınany» shettetý kerek», - deıdi ol.

A. Velagıchtiń sondaı-aq, qazaqstandyq aýyr atletterdiń bas bapkerine qatysty da aıtary bar eken.

«Sizder olardyń basshylaryna qarańyzdar. Olardyń bapkerleri (A. Nı – red.) qanshama dopıng-synamalary oń nátıje kórsetse de áli ornynda otyr. «Qazaqstan – birinshi!» dep aıqaılap júr. Bul birte-birte sırkke aınalyp bara jatyr», - deıdi ol.