Saıasattanýshy Erlan Saırov qazaqstandyq boksshy Vasılıı Levıttiń Rıodaǵy jeńilisin «ádiletsizdik» dep baǵalap, Halyqaralyq áýesqoı boks federsaısásy prezıdentiniń atyna petısıa uıymdastyrýda, - dep habarlaıdy Qamshy.kz.

Petısıada Qazaqstannyń áýesqoı boksty damytýǵa aıtarlyqtaı úles qosyp kele jatqany, ádil básekelestik pen ádil sheshim syndy olımpıadalyq qozǵalystyń basty qaǵıdalaryn qoldaıtyny aıtylady.

«Keshe álemdik qaýymdastyq aldynda olımpıadalyq qundylyqtardyń máni men ádil sheshimge degen senimdi joıatyn oqıǵa boldy. áńgime 91 keli salmaqta sharshy alańǵa shyqqan qazaqstandyq boksshy V. Levıt pen reseılik E. Tıshenko kezdesýi týraly bolyp otyr. Olımpıadalyq qaǵıdalar men ádil jekpe-jektiń barlyq ólshemi boıynsha jeńis Qazaqstan sportshysy V. Levıttiń jaǵynda boldy. sýdıalar korpýsy sana men sport qundylyqtaryn jıyp qoıyp, jeńisti reseılik E. Tıshenkoǵa berdi. Biz bul jaǵdaı:

-olımpıadalyq ádil saıys qaǵıdalaryna degen senimniń tómendeýine;

-bokstyń sport túri retinde kúres pen sheshim qabyldaýdyń basqa da ádisterinen ada emestigi týraly kúdik týýyna sebep bolady dep sanaımyz.

Sondyqtan, biz aıaqqa taptalǵan «ádil báseke», «rýh saıysy», «ádil sheshim» degen olımpıadalyq qundylyqtardy qalpyna keltirýdi usynamyz. Ol úshin sýdıalar korpýsynyń sportqa jat qylyqtaryna qyzmettik tekseris júrgizý, álemdik jankúıerler qaýymdastyǵynyń «sýdıa nege ár joly reseılik boksshynyń «ózine kelýine» jáne «demalýyna» ashyq múmkindik berdi, osylaısha reseılik boksshyǵa qamqorlyq jasady, sýdıalar jekpe-jek nátıjesin ashyq burmalaýmen aınalysty» degen zańdy suraǵyna jaýap berý qajet dep sanaımyz.

Sodan keıin Sizden ádildikti qalpyna keltirýdi, ıaǵnı, kezdesý qorytyndysyn qaıta qaraýdy suraımyz», - delingen petısıada.