16-tamyz kúni 400 metrge júgirý boıynsha saıys kezinde bagamdyq sportshy Shona Mıller aqyrǵy sátte máre syzyǵyn júgirip emes, sekirip kesken bolatyn. Sol sekirisiniń arqasynda ol Olımpıada chempıony atandy, - dep habarlaıdy Qamshy.kz. baq.kz – ke silteme jasap.

«Men eshteńe de oılaǵan joqpyn» - deıdi 400 metrge júgirýden Olımpıada chempıony bagamdyq Shona Mıller. Iá, onyń eshteńe oılaýǵa da shamasy kelgen joq. Sebebi ol basqa nárse oılaıtyndaı bolsa ókshesin basyp kele jatqan amerıkalyq Ellısson Felıks odan chempıondyq ataqty op-ońaı tartyp alar edi.

Jeńiske degen umtylystyń, erik-jigerdiń nátıjesinde ol ózi armandaǵan altynyna qol jetkizdi. Márege jetýge sońǵy sátter qalǵanda Mıller amerıkalyq sportshy Ellısson Felıkstiń ózinen ozyp ketýi múmkin ekenin túsinip, sońǵy qadamǵa barýǵa bel sheshken. Sportshy máre syzyǵynan asý úshin bar denesimen sekirip túsken.

«Men eshteńe oılamadym. Tek kóz aldymda altyn medal ǵana turdy. Kelesi sekýndta men jerde jattym»-deıdi sportshynyń ózi.

Mıllerdiń kórsetkishi 49,44 sekýnd. Al amerıkalyq sportshy bar-joǵy jeti sekýnd keshigip qaldy. Amerıkalyq jankúıerler jarystyń sekirýden emes, júgirýden ótip jatqanyn aıtyp shýlasty.

Alaıda bagamdyq sportshynyń bul áreketi saıys erejelerine qaıshy kelmeıdi. Bul sport túrinde máre syzyǵynan keýde (qol, aıaq nemese bas emes) ótýi kerek.

Bir qyzyǵy, amerıkalyq Ellısson Felıks dál osy Rıo tórindegi saıysta mundaı áreketke alǵash ret tap bolyp otyrǵan joq. 200 metrge júgirýden Rıo oıyndarynyń irikteý kezeńinde jerlesi Djenna Prandını de sekirý arqyly márege birinshi jetip, Felıks saıysqa ótpeı qalǵan edi.

Esterińizde bolsa, bul sport túrinen elimizdiń namysyn qorǵaǵan Elına Mıhına 53,83 sekýnd nátıjesimen 50-shi orynǵa turaqtaǵan bolatyn. Al Anastasıa Kýdınova 56,03 sekýndpen 55-shi oryndy mise tutty.