Shyǵys Qazaqstan oblysyna jumys sapary aıasynda Kárim Másimov AÓK nysandarynyń damýymen tanysty, - dep habarlaıdy Qamshy.kz QazAqparatqa silteme jasap.
«Agrobıznes-2020» Memlekettik baǵdarlamasynda egis alqaptaryn ártaraptandyrý máselesine erekshe kóńil bólingen. Ósimdik sharýashylyǵynda túrli baǵyttardy damytý óńdeý ónimderiniń túr-túrin keńeıtýdi qamtamasyz etip qana qoımaı, óńirdiń ekojúıesin qalpyna keltiredi. Budan ózge, ósimdik sharýashylyǵy negizinde mal sharýashylyǵyn damytý tuıyq sıkldiń qaldyqsyz óndiris úlgisin qurady.
Shyǵys Qazaqstan oblysynda AÓK-degi zamanaýı sharýashylyqtyń osyndaı úlgisiniń mysaly «Astana-Bıznes» agroholdınginiń quramyna enetin «Tájirıbeli maıly daqyldar sharýashylyǵy» JSHS bolyp tabylady, dep jazady Pm.kz.
Munda dándi jáne maıly daqyldar ósirilip, sút jáne et óndiriledi, sondaı-aq otandyq sharýalardy joǵary sapaly tuqymdarmen qamtamasyz etedi.
Budan ózge, sharýashylyq trıtıkale (kúzdik bıdaı-qarabıdaı gıbrıdi) jáne kúzdik raps sıaqty jańa daqyldar ósiredi. Gıbrıdtik qarabıdaıdyń ónimdiligi sharýashylyq alqaptarynda 60 s/ga jáne odan joǵary - óńirde buryn-sońdy bolmaǵan nátıje. Sondaı-aq, munda iri qara maldyń tuqymyn jaqsartý boıynsha asyl tuqymdy mal sharýashylyǵymen aınalysady.
Tájirıbelik-seleksıalyq alqapty aralaý barysynda «Astana-Bıznes» JSHS dırektory F. Ábitaev Premer-Mınıstrge kásiporyn qyzmetiniń nátıjelerin tanystyrdy.
Tájirıbelik sharýashylyq ǵylymy bóliminiń jetekshisi Sergeı Sherban kúnbaǵys jáne maıly daqyldardyń basqa da suryptarynyń seleksıasy boıynsha júrgizilip jatqan jumys týraly aıtty.
600 mal bas iri qara bar sút-taýarly fermada K.Másimovke sıyrlardy mashınaly saýýdyń zamanaýı kesheni qalaı jumys isteıtindigi kórsetildi.
Aýyl sharýashylyǵy basqarmasynyń basshysy Q. Tóleýbekov Premer-Mınıstrge oblystaǵy AÓK damýy jaıly baıandady.
Sonymen, 2013 jyldyń birinshi jartyjyldyǵynyń nátıjeleri boıynsha jalpy respýblıkada 794 mlrd teńgege aýyl sharýashylyǵy ónimderi (onyń ishinde ósimdik sharýashylyǵy ónimderi - 31,2 mlrd teńgege, mal sharýashylyǵy - 762 mlrd teńgege) óndirildi, bul ótken jyldyń sáıkes kezeńinen 2,7%-ǵa artyq.
Aýyl sharýashylyǵy ónimderin óndirý kóleminiń ósýi ettiń barlyq túrleriniń jáne sút óndirisiniń 3,4%-ǵa, jumyrtqanyń - 1,5%-ǵa artýyna negizdelgen.
Aıta keteıik, «Agrobıznes-2020» QR agroónerkásip keshenin damytý baǵdarlamasy Qazaqstan Prezıdenti Nursultan Nazarbaevtyń tapsyrmasy boıynsha qabyldanǵan jáne aýyl sharýashylyǵynyń básekege qabilettiligin arttyrýǵa baǵyttalǵan. Baǵdarlamanyń negizgi mindetteri AÓK qarjylaı sýyqtyrý, taýarlardyń, jumystardyń jáne qyzmet kórsetýlerdiń ekonomıkalyq qoljetimdiligin arttyrý jáne memlekettik retteý júıeleriniń tıimdiligin jaqsartý bolyp tabylady.
2016 jyly Qazaqstanda barlyq daqyldardyń egis alqaptary 21,7 mln ga qurady, onyń ishinde 15,2 mln ga-ǵa astyq daqyldary egilgen (onyń ishinde bıdaı - 12,2 mln ga). Maıly daqyldar egisteri 1,9 mln ga aýmaqta ornalastyrylǵan. Memleket basshysynyń tapsyrmalaryn iske asyrý aıasynda Aýyl sharýashylyǵy mınıstrligi men oblys ákimdikteri arasynda mal azyǵy, maıly, burshaqty jáne jemshóptik daqyldar alqaptaryn keńeıtýdi qarastyratyn aýyl sharýashylyǵy daqyldarynyń egis alqaptaryn ártaraptandyrý boıynsha memorandýmdar jasaldy.
Esterińizge salsaq, Premer-Mınıstrdiń SQO-na jumys sapary barysynda oblys ákimdikterine maıly jáne jemshóptik daqyldardyń úlesin arttyrýmen egis alqaptaryn ártaraptandyrý, ósimdik sharýashylyǵy ónimderin óńdeýdi (astyqty, maıly daqyldardy tereń óńdeý) damytýǵa ınvestısıalar tartý boıynsha memorandýmdardy oryndaý boıynsha sharalar qabyldaý tapsyryldy.
