SHQO-da jańa halyqaralyq dıalog alańy quryldy. Búgin Óskemende «Úlken Altaıdyń transshekaralyq keńistigi: demografıalyq jáne áleýmettik-mádenı úrdister, jańa yntymaqtastyq nysany» ashyldy.
Halyqaralyq jastar mektebi bıyl alǵash ret qatysýshy elderge óz esigin ashty. Ol yntymaqtastyq salasyn keńeıtýge, Úlken Altaı aýmaǵynda turatyn halyqtar arasynda dostyqty nyǵaıtýǵa baǵyttalǵan jobalarymen belgili «Bizdiń ortaq úı - Altaı» halyqaralyq úılestirýshi keńesiniń aıasynda áreket ete bastady.
SHQO İSB basshysynyń aıtýynsha, «Bizdiń ortaq úı - Altaı» - biregeı uıym, ol jyl saıyn baılanysty damytýǵa, nyǵaıtýǵa, shekaralyq óńirlerdiń ornyqty damýyn qamtamasyz etýge múmkindik beredi. Jastar, balalar ekologıalyq ekspedısıasynyń qatysýymen jobalar turaqty túrde júrgiziledi. Adamdardyń shyǵarmashylyq áleýeti osy keńes jumysynyń aıasynda júrgizilgen túrli baıqaýlar men taqyryptyq sabaqtarda ashylatyn bolady.
Halyqaralyq jastar mektebiniń jumysy Úlken Azıa elderi: Reseı, Qazaqstan, Qytaı, Mońǵolıa jastary arasyndaǵy ǵylymı-bilim berý, iskerlik, gýmanıtarlyq, dostastyq baılanystardy ornatýǵa baǵyttalǵan. Oǵan stýdentter, ǵalymdar jáne jastar uıymynyń ókilderi qatysady.
Búgin plenarlyq otyrysta olar óńirlerdegi jastar saıasatynyń damýy jaıly aıtty, sosyn Mektep jumysy Taıynty aýylynda óńirdiń ádemi jerleriniń birinde jalǵasty. Tańerteń semınar-trenıngter, dárister ótti, tájirıbe almasý úshin alańdar ashyldy.
Belgili bolǵandaı, joba aıaqtalý boıynsha qatysýshylar memlekettik jáne jastar saıasaty salasyndaǵy yntymaqtastyq týraly deklarasıaǵa qol qoıady.
