Kúrshim men Zaısan aýdanynyń taýly aımaqtarynda qurylǵan fototuzaqqa sabanshy, arqar syndy sırek kezdesetin janýarlar túsken. 
Shyǵystaǵy taýly aımaqtardy mekendeıtin janýarlardy zertteýmen aınalysatyn Sibir ekologıalyq ortalyǵynyń ǵylymı qyzmetkeri Igor Smılánskııdiń aıtýynsha, sabanshynyń mekendeıtinin fototuzaq arqyly anyqtaý – sırek kezdesetin jaǵdaı. 

– Bıologıalyq anyqtamasyna keler bolsaq, jyrtqyshtar otrádynyń mysyq tuqymdastaryna jatatyn ań latynsha – Otocolobus manul, mońǵolsha manýýl dep atalady. Qulaq qalqandary kishkentaı, samaıynda saqaly bar. İnin jartas arasyna, keıde iri bos apandarǵa salatyn manýl sáýir-mamyr aılarynda kúshikteıdi. Jemin ymyrtta, túnde aýlaıdy. Sabanshy dalaly jazyqta, jotaly, jartasty jerlerde, sondaı-aq, teńiz deńgeıinen 1000 metr bıiktikterde kezdesýi múmkin. Reseı men Mońǵolıa elderiniń ekologıalyq jaǵdaıymen salystyrǵanda Aıagóz, Abaı, Tarbaǵataı, Kúrshim aýdandaryn mekendeıtin sabanshylardyń jaǵdaıy jaqsy, - deıdi Igor Smılánskıı.