Ótken demalys kúnderi bokstan Fınlándıa jáne Polshada eki birdeı halyqaralyq týrnırlerdiń fınaldyq kezeńi ótti. Bul baıraqty básekelerdiń ekeýine de qatysqan Qazaqstan quramasynyń boksshylary jalpy esepte 8 medal jeńip aldy.

Fınlándıanyń Helsınkı qalasynda ótken "GeeBee" týrnıriniń fınaldyq kezdesýinde 56 kelide Qaırat Eralıevtyń qarsylasy reseılik Artem Hotenov kezdesýden bas tartsa, 64 kelide Aıdar Ámirzqov ıtalán Darıo Vangelıdıdi jeńdi. Al  91 kelide Asqar Abdýllaev "Astana arlandary" komandasynyń burynǵy boksshysy Aınar Karlsonnan basyp túsip, altynnan alqa taqty.

Bul týrnırde top jarady dep úmittengen 75 keli salmaqta 2013 jyly Almatyda ótken álem chempıonatynyń jeńimpazy Jánibek Álimhanuly senimnen shyqpady. Ol fınaldyq kezdesýde fransýz boksshysy Krıstıan Assomadan upaı sanymen utyldy. "Bul Almatydaǵy álem birinshiliginen keıingi Jánibektiń qatysqan alǵashqy týrnıri. Sondyqtan ol  áli de fızıkalyq turǵydan daıyn emes", - deıdi Qazaqstan quramasynyń bapkerleri.

Al 52 kelide  el namysyn qorǵaǵan Ádilet Qurmetov qola medaldy qanaǵat tutyp qaıtty. Jalpy 12 elden 60 shaqty boksshy qatysqan bul týrnırde Qazaqstan quramasy jalpy esepte birinshi oryn aldy.

Sonymen qatar ótken aptada Qazaqstannyń ekinshi quramasy Varshavada ótken "Felıksa Shtamm" týrnırinde de baq synady.

Polsha astanasynda ótken týrnırde 49 kelidegi boksshymyz Jomart Erjan altyn medaldi jeńip aldy. Qazaqstan quramasynyń aǵa bapkeri Nurǵalı Safıýlııniń aıtýynsha, Jomart týrnır barysynda qarsylastarynyń barlyǵynan bir bas joǵary bolyp, fınaldyq kezdesýde de qınalmaı jeńiske jetti. Sondaı-aq "Felıks Shtamm" týrnırinde 75 kelide el namysyn qorǵaǵan Rýstam Sybaev pen 91 kelidegi Alekseı Sevastánov qola medalǵa qol jetkizgen.

Jalpy bul týrnırde 21 elden 97 er boksshy jáne 46 áıel boksshy qatysqan. tengrinews.kz