Ońtústik Qazaqstan oblysy Shardara aýdany sharýalary bıyl baý-baqshadan mol ónim alyp otyr, - dep habarlaıdy Qamshy.kz.

Aýdan boıynsha osy maýsymda 59 myń gektar jerge aýyl sharýashylyǵy ónimderi ekse, sonyń 11 myń gektarǵa jýyǵy baý-baqsha daqyldary bolyp tabylady. Ásirese, kúnniń kózi jylynysymen egistik alqapqa shyǵyp ketken dıqandar qaýymy qaýyn-qarbyz sekildi erte pisetin ónimderin puldap úlgerdi.

Dıqandardyń eńbegi keltirilgen derekterge qaraǵanda, aýdandyq aýylsharýashylyǵy jáne jer qatynastary bóliminiń málimetine sáıkes, búgingi tańǵa deıin shardaralyq sharýalardyń 3338 gektar egis alqabynan 83450 tonna qaýyn-qarbyz satylymǵa shyǵarylǵan eken. Onyń ishinde, ózimizdiń naryqtan bólek, 50 000 tonnasy Reseı memleketine eksporttalsa, qalǵany ózimizdiń soltústik oblystarǵa jóneltilipti.

Dıqandardyń aıtýynsha, bıyl egistik ónimderi mol bolǵan. Oǵan bıylǵy aýa raıy da óte qolaıly bolyp turypty. Sonyń arqasynda bitik shyqqan egin dıqandardy mol azyqqa keneltken. Endi ońtústiktik dıqandar egistik alqaptarynyń kútimin únemi jasap otyrýdy qolǵa almaq.

Mamandardyń esebi boıynsha gektarynan ortasha 250 sentnerden ónim alǵan aýdan dıqandarynyń kóńilderi toq dep aıtýǵa bolady. Sebebi endi bastalǵan ónim alý maýsymy áli birazǵa jalǵasatyny belgili. Baý-baqsha ónimderiniń basym bóligi endi pisip jatqanyn eskersek, bul kórsetkish kún saıyn arta túsetini belgili. boıynsha osy maýsymda 59 myń gektar jerge aýyl sharýashylyǵy ónimderi ekse, sonyń 11 myń gektarǵa jýyǵy baý-baqsha daqyldary bolyp tabylady.