Saıram aýdany, Aqsýkent aýylynyń turǵyny Zákirjan Abdýllaev mal bordaqylaýdy kásipke aınaldyrǵanyna 6 jyldyń júzi boldy.  Alǵashynda 5-6 iri qarany semirtýdi bastaǵan ol búginde olardyń sanyn 100-ge jetkizdi.  3 aı buryn «Maksımým» aımaqtyq-ınvestısıalyq ortalyǵynan jyldyq 7 paıyzben 15 mln.teńge nesıe alyp, kásibin jandandyrǵan JK «Abdýllaev» eńbek ujymynyń aýdandyq kásipkerlerge qyzmet kórsetý ortalyǵyna aıtar alǵysy mol. Kásipkerler palatasy aýdandyq fılıalynyń konsýltant-menedjeri Qaırat Asylbolatov «Maksımým» AIO-nan az mólsherdegi paıyzben nesıe alýyna qujattaryn rásimdeýge zań aıasynda qyzmet kórsetken, jón siltegen. 

– Negizinen, tis dárigeri mamanymyn. Mamandyǵym boıynsha 1 jyldaı jumys atqardym. Bul kásipti aǵalarymnan úırendim. Otbasymyzdyń bul kásippen aınalysyp júrgenine 15 jyldan asty. Osy salada jetistikke jetetinime kózim jetip, jeke aınalysýdy jón kórdim, - deıdi 29 jastaǵy kásipker. Onyń Aqsýkentte jeke mal soıatyn orny bar. Kúnine 2-2,5 tonnaǵa deıin mal bordaqylap, etin Almatyǵa jóneltedi eken. Mal bordaqylap, isin dóńgeletip otyrǵan kásipker Z.Abdýllaev 8 adamdy jumyspen qamtyǵan. Janyna jaqyn kásipti tabys kózine aınaldyryp, ózine ǵana emes, aınalasyndaǵylarǵa da paıdasyn tıgizip otyr.