Elbasy aýylsharýashylyq salasyna qolaıly óńirlerde etti mal sharýashylyǵyn damytý arqyly iri qara mal etiniń eksporttyq potensıalyn arttyrýdy tapsyrǵan bolatyn.
Osyǵan oraı elimizde qarapaıym sharýashylyqtarǵa qolaıly retinde shaǵyn mal bordaqylaý alańdaryn qurý bastamasy qolǵa alynyp, júzege asyryla bastady. Osy iske aýdan turǵyndary belsendilik tanytyp, bel býyp, memleket tarapynan berilip otyrǵan qarjy uıymdarynan nesıe alyp, óz isin dóńgeletip otyr.
Qazirgi tańda aýdanda sapaly iri qara maly etin shyǵarý aıasynda 10-15 bastyq shaǵyn mal bordaqylaý alańdary sońǵy 3 jylda 705 birlikti qurap, berilgen jospar artyǵymen oryndalyp otyr.
Sonymen qatar shaǵyn januıalyq ferma qurý jospary boıynsha da aýdanda sońǵy 3 jylda 71 birlik shaǵyn januıalyq fermalar ashylyp, jumys atqarýda.
