Búgin Rıo-de-Janeırodaǵy XXXI Olımpıada oıyndarynda bokstan 69 kelige deıingi salmaqtaǵy boksshylardyń fınaly ótti. Sheshýi kezdesýdi Danıar Eleýsinov ózbekstandyq Shahram Gıasovpen ótkizdi, - dep habarlaıdy Qamshy.kz.

Danıar qorǵana júrip urys saldy. Jerlesimiz birinshi raýndta birneshe soqqysyn qarsylasqa ótkize aldy. Al ózbek boksshysynyń soqqylary dittegen jerine jetpeı jatty. Kóbine aýa qarmady. Ekinshi raýndta da jerlesimiz shıraq qımyldap, basymdyqty qoldan bermeýge tyrysty. Sońǵy sheshýshi raýndta ulttyq quramanyń kapıtany bir bas joǵary óner kórsetti. Nátıjesinde álem chempıony, Azıanyń eki dúrkin jeńimpazy atanǵan Danıarǵa Olımpıadanyń altyny da buıyrdy.

Osyǵan deıingi Olımpıada oıyndarynda 69 kelide óner kórsetken úsh boksshymyz Baqtıar Artaev, Baqyt Sársekbaev, Serik Sápıev chempıon atanǵan edi. Osy joly da qazaq boksshylary bul salmaqty eshkimge bergen joq.

Aıta keteıik, osylaısha Qazaqstan Olımpıada oıyndaryndaǵy úshinshi altynǵa qol jetkizdi.