QazUÝ stýdentteriniń Rıo-de-Janeıro Olımpıada oıyndarynda jetken jetistikteri ýnıversıtettiń belsendi jastaryn erekshe naýqanǵa shabyttandyrdy. Stýdentter ýnıversıtettiń ashyq alańynda «Dıma, Eldos – Rıo chempıony» sózderi beınelengen fleshmob uıymdastyryp, Olımpıada chempıondary  Dmıtrıı Balandın men Eldos Smetovty jeńisterimen quttyqtady, - dep habarlaıdy Qamshy.kz.

QazUÝ jastary ózderiniń chempıon zamandastaryn maqtan tutady, sebebi Dmıtrıı Qazaqstannyń sport tarıhyndaǵy júzýden alǵashqy olımpıada medalin jeńip alsa, Eldos dzúdodan kúmis júldeni qanjyǵasyna baılady.

  «Asqan daryndylyq pen qajyrly eńbektiń arqasynda bizdiń stýdentter úlken jeńiske ıe boldy. Rıo-de-Janeıroda olardyń qurmetine Qazaqstannyń ánurany oryndaldy!», - dedi QazUÝ jastar uıymy komıtetiniń tóraıymy Aısulý Ernıazova.

Jaqyn arada Dmıtrıı men Eldosty ózderi oqıtyn ýnıversıtet qabyrǵasynda saltanatty túrde quttyqtaıdy.

Buǵan deıin Almaty qalasynyń áýejaıynda QazUÝ-lyq jankúıerler ystyq yqylaspen «Balandın – bizdiń qaharman!», «Eldos – jaraısyń!» dep jarqyn daýyspen urandatyp Eldos Smetov pen Dmıtrıı Balandındi kútip alǵan bolatyn.