Belgili prodúser Baıan Esentaeva ózine qatysty el arasyndaǵy túrli áńgimelerge ınstagram arqyly jaýap berdi, - dep habarlaıdy Qamshy.kz.

«Óz shyndyǵym ózimde, adamdar ár nárseni sóz etip, ózine yńǵaıly úkim shyǵarýda. Kez-kelgen qatelikke jaza bar…», – dep jazdy ol jarıalaǵan kezekti sýretiniń astyna.

Sýretke qarap prodúserdiń áli de densaýlyǵyn qalpyna keltirip, shetelde demalyp jatqanyn ańǵarýǵa bolady. Prodússerdiń sýretine laık basqandar sanynda da esep joq. Bastysy jazylýshylardyń deni Baıanǵa «aıtatyn el aıta bersin, biz sizben birgemiz» degen oılaryn jetkizýde.

Esterińizge salsaq, bıylǵy jyldyń 10 maýsymynda qazaqstandyq prodúser Baıan Esentaevany kúıeýi Baqytbek Esentaev aýyr soqqyǵa jyǵyp, ol Talǵar aýdandyq aýrýhanasynyń jansaqtaý bóliminen biraq shyqqan edi.

Budan soń, onyń kúıeýi Baqytbektiń tutqynǵa alynǵany belgili bolǵan. Al tamyzdyń 3 kúni  onyń abaqtyda otyrý merzimi taǵy bir aıǵa uzartylǵan bolatyn. Baıan 20 maýsym kúni aýrýhanadan shyǵarylyp, keıinnen onyń Germanıada saýyqtyrý ortalyǵynda jatqany belgili bolǵan.