BUU-nyń Adam quqyqtary jónindegi Joǵarǵy komısary Zeıd Raad al-Hýseın Úndistan men Pákistan bıligi halyqaralyq uıymnyń  táýelsiz sarapshylaryna  Djammý jáne Kashmır  shtatyna kirýge kelisim bermegeni úshin ókinish bildirdi, - dep habarlaıdy Qamshy.kz.

Bul óńirde adam quqyqtary buzylǵany týraly aqparattar kelip túsken. BUU ókiliniń málimdemesinde maýsym aıynda zorlyq-zombylyqtyń beleń alǵannan keıin Joǵarǵy komısar eki eldiń basshylyǵymen baılanysyp, atalmysh aımaqqa adam quqyqtary jónindegi sarapshylardyń ótýine ruqsat berýdi ótingeni aıtylǵan. Sarapshylardyń maqsaty halyqaralyq quqyqtardyń buzylýyna qatysty oryn alǵan oqıǵalarǵa baǵa berý bolatyn. Alaıda Úndistan men Pákistan basshylyǵy BUU ókilderiniń aımaqqa kirýine ruqsat bermegen. Zeıd Raad al-Hýseınniń aıtýynsha, sarapshylardyń maqsaty «Oqıǵany táýelsiz túrde jáne naqty derekterge súıene otyryp saralaý». «Men bul aýdandarǵa kirýge múmkindik berý jónindegi ótinishti taǵy da qaıtalaımyn» dedi, óz málimdemesinde Joǵarǵy komısar.