Bul týraly sportshy telefon arqyly Rıo-de-Janeırodan habarlady. Ol barlyǵyna qoldap, quttyqtaǵandary úshin rahmet aıtyp, Olımpıada oıyndaryna daıyndyq barysynda kómek kórsetken oblys ákimi Danıal Ahmetovke erekshe alǵysyn bildirdi, - dep habarlaıdy Qamshy.kz.

Brazılıada ótken Olımpıada oıyndarynda úsh attap sekirýden qola medaldi jeńip alǵan Olga Rypakova, tamyz aıynyń 24-i men 27-si aralyǵynda shveısarıalyq Lozannada ótetin «Brıllıant lıgasyna» qatysady.

SHQO ákimi Danıal Ahmetov Olga Rypakovany qola medaldi jeńip alǵan kúni quttyqtady. «Olımpıada oıyndarynda kezekti medaldi jeńip alýyńyzben shyn júrekten quttyqtaımyn! Halyqaralyq sport arenasynda bul medaldiń Qazaqstan úshin mańyzy zor. Sizdiń Olımpıada oıyndarynda kórsetken joǵary kórsetkishterińiz ósip kele jatqan sportshylar úshin úlgi-ónege. Ózińizge jarqyn jeńister, alda áli de talaı bıik shyńdardy baǵyndyrýyńyzǵa tilektespin!», - dedi Danıal Ahmetov.

Rıo-de-Janeırodan sportshy barlyǵyna qoldaý kórsetip, quttyqtaǵandary úshin alǵysyn bildirdi. «Barshalaryńyzǵa meni qoldap, quttyqtap jatqandaryńyz úshin úlken rahmet! Olımpıada oıyndaryna daıyndyq barysynda kóp kómek kórsetken oblys ákimine erekshe alǵys aıtqym keledi», – dedi Olga Rypakova.

Aıta ketý kerek, sapaly jattyǵý barysy úshin kelisimshart negizinde Respýblıkanyń úzdik dárigerleri men keńesshileri tartyldy. Sportshynyń jeke jattyqtyrýshylary men mamandarynyń respýblıkadaǵy, shetelderdegi, sonyń ishinde Rıoda ótetin Olımpıada oıyndaryna qatysý máselesi sheshildi.

Oblystyq dene shynyqtyrý-sport dıspanseri tolyq kólemde medısınalyq qoldaýmen qamtydy. Sonymen qatar, ákimniń aı saıynǵy stıpendıasy tóleý máselesi sheshildi