Feısbýk áleýmettik jelisinde Dına Tańsary degen qoldanýshy Almaty oblysy Esik qalasynda bolǵan jantúrshigerlik oqıǵa týraly jazady, - dep habarlaıdy Qamshy.kz.
Postqa zardap shekken Jibek esimdi qyzdyń anasy Gúlbadar Mýsınanyń vıdeoúndeýi qosa tirkelgen.
Gúlbadar Mýsınanyń aıtýynsha, oqıǵa bıyl 13 tamyzdan 14 tamyzǵa qaraǵan túni bolǵan. Qyzy Jibek aǵasy ekeýi týystarynyń toıynan shyqqanda, meıramhana aldynda tórt jigit Jibekkti kúshtep kólikke otyrǵyzyp alyp ketken.
Jibekti týystary túni boıy izdeıdi. Kólikti de ózderi izdep tapqan. Tórt jigit Jibekti aýdandyq İİB ǵımaratynan 50 metr jerde kólik ishinde zorlaǵan. Jibekti jábirlegenderdiń ekeýin qyzdyń aǵalary ustap, polısıaǵa tapsyrǵan. Ekeýi qashyp úlgergen.
Qyzdyń týystary jábirleýshilerdi taýyp alǵanda, olardyń janynda arnaıy kıimdegi polısıa qyzmetkeri bolǵanyn aıtady D. Tańsary.
14 tamyz kúni tańerteń jábirlenýshi tarap polısıaǵa aryz jazady. Alaıda, polısıa zorlanǵan qyzdyń týystary ózderi ustap ákep tapsyrǵan eki kúdiktini bosatyp jiberedi. İshinde qylmys jasalǵan kólik te ıelerine qaıtarylǵan. Jábirldenýshiden jergilikti perzenthanada analız alynǵanymen onyń qaıda joldanǵany, nátıjesi qalaı bolǵany da belgisiz kórinedi. Óıtkeni, keshege deıin ol analızder týraly eshbir málimet bolmaǵan.
D. Tańsarynyń aıtýynsha, tek 17 tamyzda ǵana polısıada isti tergep jatqan tergeýshi aýystyrylyp, ol jábirlenýshiden qaıta jaýap alyp, jaýap alý sátin vıdeoǵa jazǵan. Qylmysqa qatysty kólik te polısıaǵa qaıta ákelingen. Alaıda, ol kezde kóliktiń oryndyqtary, ishi syrty túgel jýylyp, tazartylǵany belgili bolyp otyr.
Post avtory jábirlengen qyzdyń týystary bul isti qur qaldyrmaıtynyn, qylmyskerlerdiń tıisti jazasyn alýy úshin aıaǵyna deıin jetkizýge oqtalǵanyn aıtady jáne jurtshylyqty da osy máselege nazar aýdaryp, baqylaýǵa alýǵa shaqyryp, seksýaldy qysymǵa qarsy jalpyulttyq qozǵalystyń Jibekke qoǵamdyq qorǵaýshy bolatynyn jetkizgen.
«Zorlaý oqıǵalary jıi kezdesip júr. Myna jaǵdaıda qylmyskerlerdiń ózderin erkin sezinýi, basynýy shoshytady. Jibekti zorlaǵandar onyń aýyldastary. Olar Jibektiń jalǵyz emesin, namysyn qorǵaıtyn ata-anasy, aǵa, apalary baryn bile tura osyndaı qylmysqa barǵan. Qylmys jasap bolǵan soń, ony óltirýge de oqtalǵan. Jibekti aǵalary qutqaryp qalǵan» dep jazady
